26 Pea ko ʻeni, koeʻuhi ko e ngaahi meʻá ni kuó u lea ʻaki kiate kimoutolú—ʻa ia ko e pehē, koeʻuhi ke tauhi ha fakamolemole ʻo hoʻomou ngaahi angahalá mei he ʻaho ki he ʻaho, koeʻuhí ke mou ^aʻaʻeva ʻo taʻehalaia ʻi he ʻao ʻo e ʻOtuá—ʻoku ou fakaʻamu ke mou ^bfoaki mei hoʻomou ngaahi koloá ki he ^cmasivá, ko e tangata taki taha ʻo fakatatau ki he meʻa ʻokú ne maʻú, ʻo hangē ko e ^dfafanga ʻo e fiekaiá, mo e fakakofuʻi ʻo e telefuá, mo e ʻaʻahi ki he mahakí, pea tokoni ki honau fakafiemālié, ʻi he meʻa fakalaumālie mo fakatuʻasino fakatouʻosi, ʻo fakatatau ki heʻenau ngaahi fie maʻú.

  13 Ko ʻeni ko ha tupuʻanga lahi ia ʻo e tangi lāulau ʻi he kakaí, ka ko e faʻahinga ʻe niʻihi naʻa nau fakavaivaiʻi ʻa kinautolu, mo tokoni kiate kinautolu naʻe ʻaonga ke maʻu ʻenau tokoní, ʻo hangē ko e ^afoaki ʻo ʻenau ngaahi meʻá ki he masivá mo e faingataʻaʻiá, mo e fafangaʻi ʻo e fiekaiá, mo e kātakiʻi ʻo e ngaahi faʻahinga kotoa pē ʻo e ^bfaingataʻá, ^ckoeʻuhi ko Kalaisi, ʻa ia ʻe hāʻele mai ʻo hangē kuo fakahā ʻi he laumālie ʻo e kikité;

  26 Pea ko ʻeni vakai, ʻoku ou pehē kiate kimoutolu, ʻe hoku kāinga, kapau kuo mou ongoʻi ha ^aliliu ʻi homou lotó, pea kapau kuo mou fie hiva ʻaki ʻa e ^bhiva ʻo ʻene ʻofa huhuʻí, ʻoku ou fie fehuʻi atu, pe ʻoku mou ^clava ʻo ongoʻi pehē he taimí ni?

  31 Pea ʻoku mou ʻiloʻi foki ko e ^afakamāʻoniʻoniʻi tuʻunga ʻi he ʻaloʻofa ʻa hotau ʻEiki mo e Fakamoʻui ko Sīsū Kalaisí ʻoku totonu mo moʻoni ia, kiate kinautolu kotoa pē ʻoku ʻofa mo tauhi ki he ʻOtuá ʻaki honau ^bmālohí, ʻatamaí, mo e iví kotoa.