27 Pea ko ʻeni, ʻe hoku kāinga, ʻoku ou ^afakaʻamu ʻi hono moʻoni taha ʻo hoku lotó, ʻio, ʻi he fuʻu loto-hohaʻa lahi ʻo aʻu ki he mamahi, ke mou fie tokanga ki heʻeku ngaahi leá, pea liʻaki hoʻomou ngaahi angahalá, ʻo ʻikai fakatatali ʻa e ʻaho ʻo hoʻomou fakatomalá;

  14 Pea naʻe hoko ʻo pehē ʻi he hili ʻenau tūʻulutui ki he kelekelé, naʻe toʻe ʻa Sīsū ʻi hono lotó, ʻo pehē: ʻE Tamai, ʻoku ou ^amamahi koeʻuhi ko e fai angahala ʻa e kakai ʻo e fale ʻo ʻIsilelí.

  41 Pea naʻe hoko ʻo pehē naʻe folofola ʻa e ʻEikí kia ʻĪnoke, ʻo fakahā kia ʻĪnoke ʻa e ngaahi ngāue kotoa pē ʻa e fānau ʻa e tangatá; ko ia naʻe ʻilo ʻe ʻĪnoke, mo ne mamata ki heʻenau fai angahalá, pea mo ʻenau mamahí, peá ne tangi mo mafao atu hono nimá, pea naʻe ^afakafuofuolahi ʻa hono lotó ʻo hangē ko e taʻengatá; pea naʻe fakaʻamu ʻa hono lotó; pea naʻe ngalulululu ʻa e taʻengatá kotoa.

  10 Pea hangē ko e mālohi ʻo e ^afakamaau totonú, he ʻoku ʻikai faʻa lava ʻo taʻofi ʻa e fakamaau totonú, kuo pau ke mou ʻalu atu ki he ^bano ʻo e afi mo e maka-vela ʻa ia ʻoku ʻikai faʻa tāmateʻi ʻa hono ngaahi uló, pea ʻoku ʻalu hake ʻa hono kohú ʻo taʻengata pea taʻengata, pea ko e ano ʻo e afi mo e maka-vela ko iá ko e ^cfakamamahi ^dtaʻengata.

  10 He, vakai, hono ʻikai ke lahi ʻa hono ^alilo ʻo e anga faka-ʻOtuá! He vakai, ko e lauikuongá au, pea ko e tautea ko ia ʻoku fai ʻi hoku nimá ko e tautea lauikuongá ia, he ko hoku hingoá ko ^bLauikuonga. Ko ia—