Ko hano tokangaʻi pe ko ha ngāue naʻe fai koeʻuhi ke ʻaonga ki he ʻOtuá mo e kakai kehé. ʻI heʻetau tauhi ʻa hotau kāingá, ʻoku tau ʻi he tauhi pē ʻo hotau ʻOtuá.

Mou fili he ʻahó ni ʻa ia te mou tauhí, Siosiua 24:15. Ko e meʻa ʻi hoʻomou fai ia ki ha taha ʻoku kihiʻi siʻi hifo ʻiate kinautolu ní, ko hoʻomou fai ia kiate aú, Mātiu 25:35–45. Mou ʻatu homou sinó ko e feilaulau moʻui, ʻa ia ko e ngāue ʻoku taau mo kimoutolu, Loma 12:1. Kae fetauhiʻaki ʻa kimoutolu ʻi he ʻofa, Kalētia 5:13. Fakaʻaongaʻi ho ngaahi ʻahó ʻi he tauhi ki ho ʻOtuá, 2 Nīfai 2:3. ʻO ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá Mōsaia 2:17. ʻIlonga ʻa kinautolu ʻe maʻu ʻa e fonua ʻo e talaʻofá, ʻoku totonu ke nau tauhi ʻa e ʻOtuá pe ʻe tafiʻi atu ʻa kinautolu, ʻEta 2:8–12. Ko kinautolu ʻoku kamata ke fai ʻa e ngāue ʻa e ʻOtuá, tokanga ke mou tauhi kiate ia ʻaki homou lotó kotoa, T&F 4:2. Naʻe fai ʻe he ʻEikí ʻa e ngaahi fekau ki he faʻahinga ʻo e tangatá ke nau ʻofa mo tauhi kiate ia, T&F 20:18–19. Ke ke tauhi ki he ʻOtuá ʻi he huafa ʻo Sīsū Kalaisí, T&F 59:5. Ko au, ko e ʻEikí, ʻoku ou fiefia ke fakalāngilangiʻi ʻa kinautolu ʻoku tauhi kiate au T&F 76:5. Hū ki he ʻOtuá, he ko ia pē te ke tauhi ki aí, Mōsese 1:15.