Ko e foha ia ʻo Lēmeki ʻi he Fuakava Motuʻá pea ko e pēteliake ia hono hongofulu meia ʻĀtamá (Sēnesi 5:29–32). Naʻá ne fakamoʻoni ʻo kau kia Kalaisi peá ne malanga ʻaki ʻa e fakatomalá ki ha toʻu tangata fai angahala. ʻI he fakafisinga ʻe he kakaí ʻa ʻene pōpoakí, naʻe fekau leva ʻe he ʻOtuá kiate ia ke ne foʻu ha ʻaʻake ke maluʻi ai hono fāmilí mo e fanga manu kotoa pē ʻi he taimi ʻe lōmakiʻi ai ʻa e māmaní ke fakaʻauha ʻa e kau fai angahalá (Sēnesi 6:13–22; Mōsese 8:16–30). Naʻe akoʻi ʻe he palōfita ko Siosefa Sāmitá ʻo pehē ko Noa ʻa e ʻāngelo ko Kepalelí pea ʻokú ne hoko hake kia ʻĀtama ʻi hono maʻu ʻo e ngaahi kī ʻo e fakamoʻuí.

Naʻe fakahaofi ia mo hono ngaahi foha ko Sēfeti, Semi, mo Hami, mo honau ngaahi uaifí ʻi heʻenau foʻu ha ʻaʻake ʻi he fekauʻi ʻe he ʻOtuá, Sēnesi 6–8 (Hepelū 11:7; 1 Pita 3:20). Naʻe hanga ʻe he ʻEikí ʻo fakafoʻou mo Noa ʻa e fuakava naʻá ne fai mo ʻĪnoké, Sēnesi 9:1–17 (Mōsese 7:49–52; LSS, Sēnesi 9:15, 21–25). Naʻe fakanofo ʻe Mētusela ʻa Noa ki he lakanga fakataulaʻeikí ʻi hono taʻu hongofulú, T&F 107:52. Naʻe kumi ʻa e kakaí ki heʻene moʻuí ka naʻe fakahaofi ia ʻe he mālohi ʻo e ʻEikí, Mōsese 8:18. Naʻá ne hoko ko e tokotaha ʻokú ne malanga ʻaki ʻa e ongoongoleleí mo akoʻi ʻa e ongoongolelei ʻa Sīsū Kalaisí, Mōsese 8:19, 23–24 (2 Pita 2:5).