Ko e kolomuʻa ia ʻo ʻAsilia ʻi he Fuakava Motuʻá pea naʻe laka hake ʻi he taʻu ʻe uangeaú ʻa ʻene hoko ko e taulanga fakakomēsiale mahuʻinga taha ia ʻi he kauvai fakahahake ʻo e vaitafe Taikilisí (Tigris). Naʻe tō ia ʻi he fakaʻauʻauhifo ki lalo ʻa e ʻemipaea ʻo ʻAsiliá, ʻi he taʻu 606 K.M.

Naʻe nofo ʻa Senakalipe, ko e tuʻi ʻo ʻAsiliá ʻi Ninive, 2 Ng. Tuʻi 19:36. Naʻe fekau ʻa Siona ke ne kalanga ʻaki ʻa e fakatomalá ki he koló, Siona 1:1–2 (Siona 3:1–4). Naʻe fakatomala ʻa e kakai ʻo Ninivé, Siona 3:5–10. Naʻe ngāue ʻaki ʻe Kalaisi ʻa Ninive ke hoko ko ha sīpinga ʻo e fakatomalá ki he kakai Siú, Mātiu 12:41.