Ko e loi pe lea loi pe kākā; loto-hīkisia pe fielahi. ʻOku toe lava foki ke ʻuhinga ʻa e meʻa taʻeʻaongá mo e laulaunoá ki ha meʻa ʻoku ngeʻesi pe ʻikai hano mahuʻinga.

Ko ia ia naʻe ʻikai hiki hake hono laumālié ki he meʻa vaʻingá ʻe tuʻu ʻi he potu māʻoniʻoni ʻo e ʻEikí, Same 23:3–4. ʻOua naʻa mou laulaunoa ʻi hoʻomou lotú, Mātiu 6:7. Ko e fuʻu fale lahi mo ʻataʻataá ko e ngaahi mahalo laulaunoa mo e loto-hīkisiá ia, 1 Nīfai 12:18. Te mou kei vilitaki koā ʻi he holi ki he ngaahi meʻa taʻeʻaonga ʻo e māmaní, ʻAlamā 5:53. ʻOua naʻá ke kumi ki he ngaahi meʻa vaʻinga ʻo e māmani ko ʻení he ʻe ʻikai te ke lava ʻo ʻave ia mo koe, ʻAlamā 39:14. Ko e fakavaʻivaʻingá mo e taʻetuí kuo ʻomi ai ʻa e siasí kotoa ki he fakahalaiá, T&F 84:54–55. ʻO ka tau ka feinga ke ʻufiʻufi ʻetau ngaahi kakapa taʻeʻaongá, ʻoku mahuʻi atu leva ʻa e ngaahi langí, T&F 121:37.