Ko e ivi, mālohi, pe ko e tataki ia ʻoku haʻu mei he ʻOtuá ʻo fou mai ʻia Kalaisi pea ʻokú ne foaki moʻui mo e maama ki he ngaahi meʻa kotoa pē. Ko e fono ia ʻoku puleʻi ʻaki ʻa e ngaahi meʻa kotoa pē ʻi he langí mo e māmaní (
T&F 88:6–13). ʻOkú ne toe tokoniʻi foki ʻa e kakaí ke mahino kiate kinautolu ʻa e ngaahi moʻoni ʻo e ongoongoleleí pea tokoni ki hono fokotuʻu ʻa kinautolu ʻi he hala ʻo e ongoongoleleí ʻa ia ʻoku fakatau atu ki he fakamoʻuí (Sione 3:19–21; 12:46;
ʻAlamā 26:15;
32:35;
T&F 93:28–29, 31–32, 40, 42).
Ko e meʻa ʻe taha ʻoku hā ai ʻa e maama ʻo Kalaisí ko e konisēnisí, ʻa ia ʻokú ne tokoniʻi ha taha ke ne fili ki he meʻa ʻoku totonú pe ki he meʻa ʻoku halá (
Molonai 7:16). Ko e taimi ko ia ʻoku ʻilo lahi ange ai ʻa e kakaí ki he ongoongoleleí, ʻoku ongongofua lahi ange ai honau konisēnisí (
Molonai 7:12–19). Ko e kakai ko ia ʻoku nau talangofua ki he maama ʻo Kalaisí ʻoku tākiekina mai ʻa kinautolu ki he ongoongolelei ʻa Sīsū Kalaisí (
T&F 84:46–48).
Ko ʻeku māmá ʻa Sihova,
Same 27:1. Ke tau ʻaʻeva ʻi he maama ʻo Sihová,
ʻĪsaia 2:5 (
2 Nīfai 12:5). ʻE hoko ʻa Sihova ko e maama taʻengata,
ʻĪsaia 60:19. Ko e maama moʻoní ia ʻokú ne fakamaama ki he tangata kotoa pē ʻoku haʻu ki māmaní,
Sione 1:4–9 (Sione 3:19;
T&F 6:21;
34:1–3). Ko au ko e maama ʻo e māmaní,
Sione 8:12 (Sione 9:5;
T&F 11:28). Ko e meʻa kotoa pē ʻoku fakamāmá, ʻoku lelei ia,
ʻAlamā 32:35. Ko Kalaisi ʻa e moʻui mo e maama ʻo e māmaní,
ʻAlamā 38:9 (
3 Nīfai 9:18;
11:11;
ʻEta 4:12). ʻOku foaki ʻa e Laumālie ʻo Kalaisí ki he tangata kotoa pē, koeʻuhi ke ne ʻiloʻi ʻa e leleí mei he koví,
Molonai 7:15–19. Ko e meʻa ko ia ʻoku mei he ʻOtuá, ko e māmá ia, pea ʻe tupulaki ʻa e maama ko iá ʻo ngingila ange kae ʻoua ke aʻu ki he ʻaho haohaoá,
T&F 50:24. ʻOku foaki ʻe he Laumālié ʻa e maama ki he tangata kotoa pē,
T&F 84:45–48 (
T&F 93:1–2). Ko ia ia ʻokú ne tauhi ʻene ngaahi fekaú ʻokú ne maʻu ʻa e moʻoní mo e māmá,
T&F 93:27–28. ʻOku liʻaki ʻe he māmá mo e moʻoní ʻa e tokotaha angakovi ná,
T&F 93:37.