Ko e palanite ia ʻoku tau nofo aí, naʻe fakatupu ia ʻe he ʻOtuá ʻia Sīsū Kalaisi ke ngāue ʻaki ʻe he tangatá lolotonga ʻene ʻi he nofo teuteu ʻi he moʻui fakamatelié. Ko hono ikuʻangá ke hoko ia ʻo nāunauʻia mo hakeakiʻi (T&F 77:1–2; 130:8–9). ʻE hoko ʻa e māmaní ko ha tofiʻa taʻengata ʻo kinautolu kuo nau moʻui taau mo ha nāunau fakasilesitiale (T&F 88:14–26). Te nau nofo fiefia ʻi he ʻao ʻo e Tamaí pea mo e ʻAló (T&F 76:62).

Ko e māmaní ko e siviʻi ʻanga ia ʻo e tangata fakamatelié. ʻOku fakaʻuhingaʻi ia ki he kakai ko ia ʻoku ʻikai te nau talangofua ki he ngaahi fekau ʻa e ʻOtuá.

Naʻe fakatupu maʻá e tangatá: Naʻe tuku ʻe he ʻOtuá ki he tangatá ke pule ki he māmaní, Sēnesi 1:28 (Mōsese 2:28). ʻOku ʻo Sihova ʻa māmani, ʻEke. 9:29 (Same 24:1). Kuo foaki ʻe Sihova ʻa māmani ki he fānau ʻa e tangatá, Same 115:16. Kuó u ngaohi ʻa māmani pea fakatupu mo e tangatá ʻi ai, ʻĪsaia 45:12. ʻI he mālohi ʻo ʻene folofolá naʻe haʻu ai ʻa e tangatá ki he māmaní, Sēkope 4:9. ʻE foaki ʻa e māmaní kiate kinautolu kuo nau maʻu ʻa e Laumālie Māʻoniʻoní ʻo hoko ko honau fakahinohinó, T&F 45:56–58 (T&F 103:7). Ko kinautolu naʻa nau talangofua ki he ongoongoleleí naʻa nau maʻu ʻa e ngaahi meʻa lelei ʻo māmani ko ʻenau totongi, T&F 59:3. ʻE maʻu ia ʻe he masiva mo e angamalū ʻo e māmaní, T&F 88:17 (Mātiu 5:5; 3 Nīfai 12:5). Te tau fakatupu ha maama pea te tau siviʻi ʻa kinautolu, ʻĒpa. 3:24–25.

Ko ha meʻa moʻui ia: ʻOku tuʻu maʻu ai pē ʻa e māmaní, Tngt. 1:4. Ko e tahi sioʻatá ko e māmaní ia ʻi hono tuʻunga fakamāʻoniʻoniʻi, taʻe-faʻa-mate, mo taʻengatá, T&F 77:1. Kuo pau ke fakamaʻa ʻa e māmaní mo teuteuʻi ia ki he nāunau fakasilesitialé, T&F 88:18–19. ʻOku tangi leʻo-lahi ʻa e māmaní, Mōsese 7:48.

Ko hono vahevahe ʻo e māmaní: Ke fakataha ʻa e ngaahi vaí ki he potu pē taha, Sēnesi 1:9. Naʻe vahevahe ʻa e fonuá ʻi he ngaahi ʻaho ʻo Pēlekí, Sēnesi 10:25. ʻI he hili ʻa e matuku atu ʻa e ngaahi vaí naʻe hoko ia ko ha fonua mahuʻinga, ʻEta 13:2. Pea ʻe tatau ʻa e māmaní mo hono anga ʻi he teʻeki ai ke vahevahe iá, T&F 133:24.

Ko hono fakamaʻa ʻo e māmaní: Pea naʻe ʻuha ki māmani ʻi he ʻaho ʻe fāngofulu, Sēnesi 7:4. ʻOku fakatolonga ʻa e māmaní ki he afi ʻi he ʻaho ʻo e fakamaau, 2 Pita 3:7. ʻO ka hili ange ʻa e ʻaho ní ʻe hoko mai ʻa e tutu ke vela, T&F 64:24. ʻOku holi ʻa e māmaní ke fakamaʻa ia mei he ʻuli, Mōsese 7:48.

Ko e tuʻunga fakaʻosi ʻo e māmaní: ʻE takai fakataha ʻa e māmaní ʻo hangē ha takainga tohi pea ʻe mole atu, 3 Nīfai 26:3 (T&F 29:23). Pea ʻe ʻi ai ha langi foʻou mo ha māmani foʻou, ʻEta 13:9 (T&F 29:23). Ko e tahi sioʻatá ko e māmaní ia ʻi hono tuʻunga fakamāʻoniʻoniʻi, taʻe-faʻa-mate, mo taʻengatá, T&F 77:1. Kuo pau ke fakamaʻa ʻa e māmaní mo teuteuʻi ia ki he nāunau fakasilesitialé, T&F 88:18–19. ʻE ngaohi ʻa e māmani ko ʻení ke hangē ko e kilisitala pea ʻe hoko ia ko ha ʻŪlimi mo e Tūmemi, T&F 130:8–9. ʻE mālōlō ʻa e māmaní ʻo feʻunga mo ha taʻu ʻe taha afe, Mōsese 7:64. ʻE fakafoʻou ʻa e māmaní, TT 1:10.

Ko e moʻui ʻi he māmaní: Te mou maʻu ʻa e mamahí ʻi māmani, Sione 16:33. ʻOua te mou manavahē ʻo aʻu ki he maté; he ʻoku ʻikai ke kakato ʻa hoʻomou fiefiá ʻi he māmani ko ʻení, T&F 101:36.

Ko e kakai ʻoku ʻikai te nau talangofua ki he ngaahi fekaú: Te u tautea ʻa māmani koeʻuhi ko ʻenau hiá, ʻĪsaia 13:11 (2 Nīfai 23:11). Kapau ʻoku fehiʻa ʻa māmani kiate kimoutolú, ʻoku mou ʻilo naʻe tomuʻa fehiʻa ia kiate au, Sione 15:18–19. Ko e fale lahi mo ʻataʻataá ko e loto-hīkisia lahi ia ʻa e māmaní, 1 Nīfai 11:36. ʻOku fakaʻau ke kakato ʻa e fai angahala ʻa e māmaní, T&F 18:6. Tauhi koe ke maʻa ange mei māmani, T&F 59:9. Ko ia ia ʻe tui faivelenga mo tuʻu maʻú, te ne ikunaʻi ʻa e māmani, T&F 63:47. ʻE ʻikai te mou moʻui ʻo hangē ko e founga ʻa e māmaní, T&F 95:13.

Ko e Ngataʻanga ʻo e māmaní: ʻOku ou fakatupu ʻa e fonua foʻou pea ʻe ʻikai manatu ʻa ia naʻe ʻi muʻá, ʻĪsaia 65:17 (Fakahā 21:1; TT 1:10). ʻI he ngataʻanga ʻo e māmaní ʻe tānaki fakataha ʻa e teá ʻo tutu ʻi he afi, Mātiu 13:40, 49 (Malakai 4:1; Sēkope 6:3). Te u pule ke tutu ʻa ʻeku ngoue vainé ʻaki ʻa e afi, Sēkope 5:77 (T&F 64:23–24). ʻE fakaʻauha ʻe he ʻEikí ʻa Sētane mo ʻene ngaahi ngāué ʻi he ngataʻanga ʻo e māmaní, T&F 19:3. ʻE mate ʻa e māmaní ka ʻe toe fakaake ia, T&F 88:25–26. Naʻe fakahā ʻe he ʻEikí kia ʻĪnoke ʻa e ngaahi ngataʻanga ʻo e māmaní, Mōsese 7:67.