Ko ha meʻa fuopotopoto palasa ʻi he Tohi ʻa Molomoná mo hano meʻa tuhu ʻe ua ʻa ia ʻokú ne ʻomi ha ngaahi fakahinohinó—ʻo hangē ha kāpasá—kae ʻumaʻā foki ha ngaahi fakahinohino fakalaumālie kia Līhai mo kinautolu naʻa nau muimui kiate iá, ʻi he taimi naʻa nau māʻoniʻoni aí. Naʻe foaki mai ʻe he ʻEikí ʻa e Liahoná peá ne fai mai ai ha ngaahi fakahinohino.

Naʻe maʻu ʻe Līhai ha meʻa fuopotopoto ʻo e palasa naʻe ʻi loto ʻa e hui ʻe ua; naʻe tuhuʻi ʻa e hala ke mau fou ai, 1 Nīfai 16:10. Naʻe ngāue ʻa e meʻa fuopotopotó ʻo fakatatau ki he tuí mo e faivelengá, 1 Nīfai 16:28–29 (ʻAlamā 37:40). Naʻe foaki ʻe Penisimani ʻa e meʻa fuopotopotó kia Mōsaia, Mōsaia 1:16. Naʻe ui ʻa e meʻa fuopotopoto pe ko e meʻa fakahinohino ko e Liahoná, ʻAlamā 37:38. Naʻe fakatatau ʻa e Liahoná ki he folofola ʻa Kalaisí, ʻAlamā 37:43–45. Naʻe tuku ke mamata ʻa e Kau Fakamoʻoni ʻe Toko Tolu ki he Tohi ʻa Molomoná ki he meʻa fakahinohino ko ia naʻe tuku kia Līhai, T&F 17:1.