Ke faʻa leʻo pe faʻa vakavakai. ʻOku mateuteu ʻa e tokotaha ko ia ʻoku leʻo mo talangofuá. Ko e kau tangata leʻó ko e kau takimuʻa ia kuo ui ʻe he kau fakafofonga ʻo e ʻEikí ki ha fatongia pau koeʻuhi ko e lelei ʻa e kakai kehé. Ko kinautolu ko ia kuo ui ko e kau takimuʻá, ʻoku ʻi ai hanau fatongia makehe ke nau toe hoko foki ko e kau tangata leʻo ki he toenga ʻo e māmaní.

Kuó u tuku koe ko e [tangata] leʻo, ʻIsikeli 3:17–21. Ko e kau tangata leʻo ko ia ʻoku nau hiki hake ʻa e leʻo ʻo e fakatokangá ʻoku nau fakahaofi honau laumālie ʻo kinautolú foki, ʻIsikeli 33:7–9. Ko ia leʻo: he ʻoku ʻikai te mou ʻilo ʻa e feituʻulaʻā ko ia ʻe haʻu ai homou ʻEikí, Mātiu 24:42–43 (Mātiu 25:13; Maʻake 13:35–37; T&F 133:10–11). Leʻo mo lotu, telia naʻa lavaʻi ʻa kimoutolu ʻe he ʻahiʻahí, Mātiu 26:41 (3 Nīfai 18:15, 18). Kapau ʻoku ʻikai te mou ʻiloʻi hoʻomou ngaahi fakakaukaú, mo hoʻomou ngaahi leá, mo hoʻomou ngaahi ngāué pehē kuo pau ke mou malaʻia, Mōsaia 4:30. Naʻe fakanofo ʻe ʻAlamā ha kau taulaʻeiki mo ha kaumātuʻa ke puleʻi mo leʻohi ʻa e siasí, ʻAlamā 6:1. Ko ia ia ʻoku ʻikai te ne ʻamanaki atu ki he haʻu ʻa e Fakamoʻuí ʻe motuhi atu ia, T&F 45:44. Kuo ui mo fakanofo ʻe he ʻOtuá ʻa e pīsopé mo e niʻihi kehe ke leʻohi ʻa e siasí, T&F 46:27. Naʻe fokotuʻu ʻe he ʻEikí ʻa e kau tangata leʻo ki he ngoue vainé, T&F 101:44–58.