Ko e Laumālie Māʻoniʻoni ʻo e Talaʻofá ʻa e Laumālie Māʻoniʻoní (Ngāue 2:33). ʻOkú ne hanga ʻo fakapapauʻi ʻoku fakahōifua ki he ʻOtuá ʻa e ngaahi ngāue ʻo e māʻoniʻoni, ngaahi ouau, mo e ngaahi fuakava ʻa e tangatá. ʻOku fakamoʻoniʻi ʻe he Laumālie Māʻoniʻoni ʻo e Talaʻofá ki he Tamaí kuo fakahoko totonu ʻa e ngaahi ouau fakamoʻuí, pea kuo tauhi ʻa e ngaahi fuakava ʻoku fekauʻaki mo iá.

Ko kinautolu kuo fakamaʻu ʻe he Laumālie Māʻoniʻoni ʻo e Talaʻofá te nau maʻu ʻa e meʻa kotoa pē ʻoku ʻa e Tamaí, T&F 76:51–60 (ʻEfesō 1:13–14). Kuo pau ke fakamaʻu ʻe he Laumālie Māʻoniʻoni ʻo e Talaʻofá ʻa e ngaahi fuakava mo e ngaahi ngāue kotoa pē ka ne maʻu ha mālohi ʻi he hili ʻa e moʻui ko ʻení, T&F 132:7, 18–19, 26.