Ko e mēmipa ia hono tolu ʻo e Toluʻi ʻOtuá (1 Sione 5:7;
T&F 20:28). Ko ha tokotaha ia ʻoku Laumālie pē, pea ʻoku ʻikai te ne maʻu ha sino ʻo e kakano mo e hui (
T&F 130:22). ʻOku faʻa ui ʻa e Laumālie Māʻoniʻoní ko e Laumālié, pe ko e Laumālie ʻo e ʻOtuá.
ʻOku fakahoko ʻe he Laumālie Māʻoniʻoní ha ngaahi fatongia mahuʻinga lahi ʻi he palani ʻo e fakamoʻuí. (1) ʻOkú ne fakamoʻoniʻi ʻa e Tamaí pea mo e ʻAló (1 Kol. 12:3;
3 Nīfai 28:11;
ʻEta 12:41). (2) ʻOkú ne fakahā ʻa e moʻoni ʻo e ngaahi meʻa kotoa pē (Sione 14:26; 16:13;
Molonai 10:5;
T&F 39:6). (3) ʻOkú ne hanga ʻo fakamāʻoniʻoniʻi ʻa kinautolu ʻoku nau fakatomala pea nau papitaisó (Sione 3:5;
3 Nīfai 27:20;
Mōsese 6:64–68). (4) Ko ia ʻa e Laumālie Māʻoniʻoni ʻo e Talaʻofá (
T&F 76:50–53;
132:7, 18–19, 26).
ʻOku lava ke hoko mai ʻa e mālohi ʻo e Laumālie Māʻoniʻoní ki ha taha ki muʻa ʻi he papitaisó ʻo fakamoʻoniʻi kiate ia ʻoku moʻoni ʻa e ongoongoleleí. Ka ko e totonu ko ia ke maʻu ʻa e feohi maʻu pē ʻa e Laumālie Māʻoniʻoní ʻi he taimi ʻoku feʻunga mo taau ai ha tahá, ko ha meʻa-foaki ia ʻoku toki lava pē ʻo maʻu ʻi he hilifaki ʻo e nimá ʻe ha tokotaha ʻokú ne maʻu ʻa e Lakanga Taulaʻeiki Faka-Melekisētekí hili hano fakamafaiʻi ha taha ke papitaiso ki he Siasi moʻoni ʻo Sīsū Kalaisí.
ʻOku fakalotoʻi ʻe he Laumālié ʻa e tangatá ke nau ʻaʻeva ʻi he ngaahi tuʻutuʻuni ʻa e ʻOtuá
, ʻIsikeli 36:27. ʻOku fakamafaiʻi ʻa e kau ʻAposetoló ke nau fai papitaiso ʻi he huafa ʻo e Tamaí, ʻAló, pea mo e Laumālie Māʻoniʻoní,
Mātiu 28:19. ʻE akoʻi ʻa kimoutolu ʻe he Laumālie Māʻoniʻoní ʻi he meʻa kotoa pē,
Sione 14:26. Naʻe lea ʻa e kau tangata māʻoniʻoní ʻi hono ueʻi ʻa kinautolu ʻe he Laumālie Māʻoniʻoní,
2 Pita 1:21. Naʻe tataki ʻa Nīfai ʻe he Laumālié,
1 Nīfai 4:6. ʻE fakahā ʻa e ngaahi meʻa lilo ʻa e ʻOtuá kiate kinautolu, ʻi he mālohi ʻo e Laumālie Māʻoniʻoní,
1 Nīfai 10:17–19. ʻOku fakahā ʻe he Laumālie Māʻoniʻoni kiate kimoutolu ʻa e meʻa kotoa pē ʻoku totonu ke mou faí,
2 Nīfai 32:5. ʻI he mālohi ʻo e Laumālie Māʻoniʻoní te mou lava ai ke ʻiloʻi hono moʻoni ʻo e ngaahi meʻa kotoa pē,
Molonai 10:5. ʻE fakahā kiate koe ʻe he Laumālie Māʻoniʻoní ʻi ho ʻatamaí pea ʻi ho lotó,
T&F 8:2. ʻOku tākiekina ʻe he Laumālié ke failelei,
T&F 11:12. ʻOku ʻiloʻi ʻe he Laumālie Māʻoniʻoní ʻa e ngaahi meʻa kotoa pē,
T&F 35:19. ʻOku akoʻi ʻe he Laumālie Māʻoniʻoní ʻa e ngaahi meʻa fakamelino ʻo e puleʻangá,
T&F 36:2 (
T&F 39:6). Kapau ʻe ʻikai te mou maʻu ʻa e Laumālié ʻe ʻikai te mou faiako,
T&F 42:14. ʻOku fakamoʻoni ʻa e Laumālie Māʻoniʻoní ki he Tamaí mo e ʻAló,
T&F 42:17 (1 Kol. 12:3;
3 Nīfai 11:32, 35–36). ʻOku foaki ki he niʻihi ʻi he Laumālie Māʻoniʻoní ke nau ʻiloʻi ko Sīsū Kalaisí ko e ʻAlo ia ʻo e ʻOtuá,
T&F 46:13. ʻIlonga ha meʻa te nau lea ʻaki ʻi hono ueʻi ʻa kinautolu ʻe he Laumālie Māʻoniʻoní ʻe hoko ia ko e folofola,
T&F 68:4. ʻE fekauʻi atu ʻa e Laumālie Māʻoniʻoní ke fakamoʻoniʻi ʻa e ngaahi meʻa kotoa pē ʻa ia te mo leaʻakí,
T&F 100: 8. ʻE hoko ʻa e Laumālie Māʻoniʻoní ko ho takaua maʻu ai pē,
T&F 121:45–46.