Ke fanauʻi. Ko hono ʻuhinga ke fanauʻi mai, ke tomuʻa fakatupu, pe ui mai ke moʻui. ʻOku faʻa ngāue ʻaki ʻi he ngaahi folofolá, ʻa e ngaahi foʻi lea ko ʻení ʻo ʻuhinga ki he fanauʻi ʻi he ʻOtuá. Neongo ko Sīsū Kalaisi pē taha ʻa e ʻAlo naʻe fakatupu ʻo e Tamaí ʻi he moʻui fakamatelié, ka ʻe lava ʻo fanauʻi fakalaumālie ʻa e kakai kotoa pē ʻia Kalaisi ʻi heʻenau tali ia, mo talangofua ki heʻene ngaahi fekaú, pea hoko ko ha kakai foʻou ʻi he mālohi ʻo e Laumālie Māʻoniʻoní.

Kuó u fakatupu koe ʻi he ʻahó ni, Same 2:7 (Ngāue 13:33; Hepelū 1:5–6; 5:5). Ko Hono nāunaú ko e nāunau ʻo e tokotaha naʻe tupu mei he Tamaí, Sione 1:14 (2 Nīfai 25:12; ʻAlamā 2:33–34; T&F 76:23). He naʻe ʻofa pehē ʻa e ʻOtuá ki māmani, naʻá ne foaki hono ʻAlo pē taha naʻe fakatupú, Sione 3:16 (T&F 20:21). Kuo fanauʻi fakalaumālie ʻe Kalaisi ʻa hono kakaí, Mōsaia 5:7. Ko kinautolu kuo fanauʻi ʻi he ʻEikí ʻoku nau hoko ko e Siasi ʻo e ʻUluaki Fānaú, T&F 93:22.