Ko e founga naʻe hoko ai ʻa e faʻahinga ʻo e tangatá ko e kakai fakamatelie ʻi he māmani ko ʻení. ʻI he kai ʻe ʻĀtama mo ʻIvi ʻa e fua naʻe fakatapuí, naʻa na hoko ai ʻo fakamatelie, ʻa ia ko hono ʻuhingá, ko ʻena moʻulaloa ki he angahalá mo e maté. Naʻe hoko ai ʻa ʻĀtama ko e “ʻuluaki kakano” ʻi he māmaní (
Mōsese 3:7). ʻOku hanga ʻe he ngaahi fakahā ʻi he ngaahi ʻaho ki mui ní ʻo fakamahinoʻi ʻoku hoko ʻa e Hingá ko ha tāpuaki, pea ʻoku totonu ke fakalāngilangiʻi ʻa ʻĀtama mo ʻIvi ko e ʻuluaki ongo mātuʻa ʻa e faʻahinga kotoa ʻo e tangatá.
Naʻe hoko ʻa e Hingá ko ha sitepu mahuʻinga ia ʻi he fakalakalaka ʻa e tangatá. Tuʻunga ʻi he ʻafioʻi ʻe he ʻOtuá kuo pau ke hoko ʻa e hingá, naʻá ne palani ai ʻi he maama fakalaumālié ke ʻi ai ha Fakamoʻui. Naʻe hāʻele mai ai ʻa Sīsū Kalaisi ʻi he vaeuaʻanga mālie ʻo taimí ke fai ʻa e fakalelei ki he hinga ʻa ʻĀtamá pea ki he ngaahi angahala fakafoʻituitui foki ʻa e tangatá ʻo kapau te nau fakatomala.
He ko e ʻaho ko ia te ke kai aí, ko e moʻoni te ke mate,
Sēnesi 2:17 (
Mōsese 3:17). Naʻá ne toʻo ai hono fuá, ʻo kai,
Sēnesi 3:6 (
Mōsese 4:12). Hangē ʻoku mate kotoa pē ʻia ʻĀtamá, ʻe pehē foki ʻe moʻui kotoa pē ʻia Kalaisi,
1 Kol. 15:22. Naʻe mole pea ʻi he tuʻunga tō ki lalo ʻa e faʻahinga kotoa ʻo e tangatá,
1 Nīfai 10:6. Kuo teuteu ʻa e hala talu mei he hinga ʻa e tangatá,
2 Nīfai 2:4. ʻI he hili ʻa e kai ʻe ʻĀtama mo ʻIvi ʻa e fua tapú, naʻe kapusi ʻa kinaua mei he ngoue ko ʻĪtení,
2 Nīfai 2:19. Naʻe hinga ʻa ʻĀtamá koeʻuhi ke ʻi ai ʻa e tangatá,
2 Nīfai 2:15–26. Ko e tangata fakakakano ko e fili ia ki he ʻOtuá, pea kuo pehē ai pē ia talu mei he hinga ʻa ʻĀtamá,
Mōsaia 3:19. Naʻe akoʻi ʻe ʻĒlone ki he tamai ʻa Lamōnaí ʻa e Hingá,
ʻAlamā 22:12–14. Kuo pau ke fai ha fakalelei, pe ʻe hinga mo mole ʻa e kakai kotoa pē,
ʻAlamā 34:9. Naʻe motuhi fakasino mo fakalaumālie atu ʻa ʻetau ʻuluaki ongo mātuʻá mei he ʻao ʻo e ʻEikí,
ʻAlamā 42:2–15 (
Hilam. 14:16). Koeʻuhí ko e hingá kuo kovi maʻu ai pē ʻa homau ngaahi ʻulungāangá;
ʻEta 3:2. ʻI hono maumauʻi ʻo e ngaahi fono māʻoniʻoni ko ʻení, naʻe hoko ai ʻa e tangatá ko e tangata kuo hinga
T&F 20:20 (
T&F 29:34–44). Koeʻuhí ko hoʻo hingá ʻe lava ai ke huhuʻi koe,
Mōsese 5:9–12. Kuo hoko mai ʻa e hingá ko e tupu mei he maumau-fonó,
Mōsese 6:59. ʻE tauteaʻi ʻa e tangatá koeʻuhi ko ʻenau ngaahi angahala ʻanautolú pē
, TT 1:2.