Ke fakamolemoleʻi mei ha tautea koeʻuhi ko ha angahala pea fakahā ʻoku taʻehalaia. ʻOku fakatonuhiaʻi ha taha ʻi he ʻaloʻofa ʻa e Fakamoʻuí tuʻunga ʻi he tui kiate ia. ʻOku fakahā ʻa e tui ko ʻení ʻi he fakatomala mo e talangofua ki he ngaahi fono mo e ngaahi ouau ʻo e ongoongoleleí. ʻOku hanga ʻe he fakalelei ʻa Sīsū Kalaisí ʻo tokoniʻi ʻa e faʻahinga ʻo e tangatá ke fakatomala pea fakatonuhiaʻi pe fakamolemoleʻi ia mei he tautea ko ia naʻe mei hoko kiate kinautolú.

ʻE tonuhia ʻia Sihova ʻa ʻIsileli kotoa pē, ʻĪsaia 45:25. ʻOku ʻikai ko e kau fanongo ki he fonó ka ko e kau fai ki he fonó ʻe fakatonuhiaʻí, Loma 2:13. ʻOku fakatonuhiaʻi ʻa e tangatá ʻi he taʻataʻa ʻo Kalaisí, Loma 5:1–2, 9. Kuo fakatonuhiaʻi ʻa kimoutolu ʻi he huafa ʻo e ʻEiki ko Sīsuú, 1 Kol. 6:11. ʻI he fakatonuhia ʻa kitautolu ʻi heʻene ʻofá ʻe ngaohi ai ʻa kitautolu ko e fānau hoko, Taitusi 3:7. ʻIkai naʻe fakatonuhiaʻi ʻe he ngaahi ngāué ʻa ʻetau tamai ko ʻĒpalahamé, Sēmisi 2:21. ʻOku fakatonuhiaʻi ʻa e tangatá ʻi he ngaahi ngāué, kae ʻikai ʻi he tui pē, Sēmisi 2:14–26. ʻOku ʻikai ke fakatonuhiaʻi ha taha fakakakano ʻi he fonó, 2 Nīfai 2:5. ʻE fakatonuhiaʻi ʻe heʻeku tamaioʻeiki māʻoniʻoní ʻa e kakai tokolahi; he te ne fua ʻenau ngaahi angahalá, Mōsaia 14:11 (ʻĪsaia 53:11). Te mou lava koā ʻo pehē kuo fakamaʻa ʻa homou ngaahi kofú ʻi he taʻataʻa ʻo Kalaisí, ʻAlamā 5:27. ʻOku mou ʻilo ko e fakatonuhia ʻi he ʻaloʻofa ʻa Sīsū Kalaisí ʻoku moʻoni ia, T&F 20:30–31 (T&F 88:39). ʻOku fakatonuhiaʻi ʻa kimoutolu ʻi he Laumālié, Mōsese 6:60.