Ko ha liliu ʻo e fakakaukaú mo e lotó ʻa ia ʻoku ʻomi ai ha fakakaukau foʻou ki he ʻOtuá, mo kita pea mo e moʻuí fakalūkufuá. ʻOku ʻuhinga ʻa e fakatomalá ki ha tafoki ha taha mei he koví ʻo fakatafoki hono lotó ki he ʻOtuá, ʻo fakavaivai ki he ngaahi fekau ʻa e ʻOtuá pea holi mo liʻaki ʻa e angahalá. ʻOku tupu ʻa e fakatomala moʻoní mei he ʻofa ki he ʻOtuá mo ha holi fakamātoato ke tauhi ʻene ngaahi fekaú. Ko e kakai kotoa pē ʻoku taau ke fakamāuʻí kuo nau fai angahala pea kuo pau ke nau fakatomala koeʻuhí kae lava ke nau fakalakalaka ki he fakamoʻuí. Ko e fakalelei pē ʻa Sīsū Kalaisí ʻe lava ke ʻaonga ai ʻetau fakatomalá pea tali ia ʻe he ʻOtuá.
Mou fai ʻa e vete kia Sihova,
ʻĒsela 10:11. Hiki ke mamaʻo meiate kimoutolu ʻa e kovi ʻo hoʻomou fai angá, tuku ʻa e faikoví,
ʻĪsaia 1:16. Fakatomala pea fakatafoki ʻa kimoutolu mei hoʻomou ngaahi angahalá,
ʻIsikeli 18:30–31. Mou fakatomala he ʻoku ofi ʻa e puleʻanga ʻo e langí,
Mātiu 3:2. ʻOku ai ʻa e fiefia ʻi he langí ʻi he fakatomala ʻa e angahala ʻe toko tahá,
Luke 15:7. ʻOku fekau ʻe he ʻOtuá ki he kakai kotoa pē ʻi he potu kotoa pē ke nau fakatomala,
Ngāue 17:30 (
2 Nīfai 9:23;
3 Nīfai 11:31–40;
T&F 133:16). Ko e mamahi ʻoku taau mo e ʻOtuá ʻokú ne langaki ʻa e fakatomala ki he fakamoʻuí,
2 Kol. 7:10. Ko e Laumālie ʻo e ʻEiki Māfimafí kuo fakatupu ʻe ia ha fuʻu liliu lahi ʻi homau lotó ʻo ʻikai ai te mau toe maʻu ha holi ke faikovi,
Mōsaia 5:2. Kapau te ne vete ʻene ngaahi angahalá pea fakatomala ke ke fakamolemoleʻi ia,
Mōsaia 26:29. ʻI he hili ʻa e malanga ʻa ʻAlamaá naʻe kamata ke fakatomala ʻa e tokolahi,
ʻAlamā 14:1. ʻOua ʻe toloi ʻa e ʻaho ʻo hoʻomou fakatomalá,
ʻAlamā 34:33. Naʻe akoʻi ʻe ʻAlamā kia Hilamani ʻa ʻene fakatomalá mo ʻene liliú,
ʻAlamā 36 (
Mōsaia 27:8–32). ʻE ʻikai lava ke hoko mai ʻa e fakatomalá ki he tangatá tuku kehe kapau naʻe ʻi ai ha tautea,
ʻAlamā 42:16. Tuku pē hoʻo ngaahi angahalá ke fakahohaʻasi koe, ʻaki ʻa e hohaʻa ʻa ia ʻe ʻohifo ai koe ki he fakatomalá,
ʻAlamā 42:29. Te mou ʻoatu kiate au ʻa e feilaulau ko e loto-mafesifesi mo e laumālie fakatomala,
3 Nīfai 9:20. Ko ia ia ʻe fakatomala pea haʻu kiate au ʻo hangē ko ha tamasiʻi siʻí te u tali ia,
3 Nīfai 9:22. Fakatomala ʻa kimoutolu ʻa e ngaahi ngataʻanga kotoa pē ʻo e māmaní,
3 Nīfai 27:20. ʻI heʻenau faʻa fakatomala naʻe fakamolemoleʻi ʻa kinautolu,
Molonai 6:8. ʻOua ʻe lea ʻaki ha meʻa ka ko e fakatomalá pē ki he toʻu tangatá ni,
T&F 6:9 (
T&F 11:9). Hono ʻikai ke lahi ʻa ʻene fiefia ʻi he laumālie ʻe toko taha ʻoku fakatomalá,
T&F 18:13. Kuo pau ke fakatomala ʻa e tangata kotoa pē pe te nau mamahi,
T&F 19:4. Ko ia ia te ne fai angahala pea ʻikai fakatomalá ʻe kapusi ia ki tuʻa,
T&F 42:28. Ko ia ia ʻoku vete ʻene ngaahi angahalá mo liʻaki iá ʻe fakamolemoleʻi ia,
T&F 58:42–43. Ko e kau pekia ko ia ʻoku fakatomalá ʻe huhuʻi ʻa kinautolu,
T&F 138:58. ʻOku mau tui ki he fakatomalá,
TT 1:4.