ʻOku ngāue ʻaki ia ʻi he folofolá ʻo ʻuhinga ki ha fuakava pe palōmesi toputapu. Ka neongo iá ʻoku toe fai foki ʻa e ngaahi fakapapau ʻe he kakai fai angahalá, kau ai ʻa Sētane mo ʻene kau ʻāngeló, ke fakahoko ʻaki ʻenau ngaahi taumuʻa taʻetotonú. Naʻe tali lelei ʻi he Fuakava Motuʻá ʻa e ngaahi fakapapaú; ka neongo iá naʻe akoʻi ʻe Sīsū Kalaisi ʻa e kakaí ʻoku totonu ke ʻoua naʻa fakapapau ha taha ʻi he huafa ʻo e ʻOtuá pe ko ʻene ngaahi fakatupú (Mātiu 5:33–37).

Te u fakamoʻoni ʻa e fuakava ʻa ia naʻá ku fuakava ʻaki ki hoʻo tamai ko ʻĒpalahamé, Sēnesi 26:3. Kapau ʻe fuakava ʻe ha tangata ʻaki ʻa e fuakava, ʻe ʻikai te ne maumauʻi ia, Nōmipa 30:2. Naʻa nau fai ʻa e fuakava ke ʻalu ʻi he fono ʻa e ʻOtuá, Nehem. 10:29. Ke ke fai kia Sihova hoʻo fuakavá, Mātiu 5:33 (Tngt. 5:1–2; 3 Nīfai 12:33). ʻOku fai ʻe he ʻOtuá ha fuakava ʻe fakahaofi ʻa e kakai tui faivelengá, Hepelū 6:13–18. ʻI he hili ʻa e fai ʻe Sōlami ha fuakavá naʻe ʻosi ʻemau manavaheé, 1 Nīfai 4:37. Kuo fai ʻe he kakai ʻo ʻĀmoní ha fuakava ʻe ʻikai pē ke nau toe lilingi toto, ʻAlamā 53:11. Naʻe fai ʻe he kau Nīfai fai angahalá ha ngaahi fakapapau mo e ngaahi fuakava fufū mo Sētane, Hilam. 6:21–30. ʻOku maʻu ʻe he tangatá ʻa e moʻui taʻengatá ʻi he fakapapau mo e fuakava ʻo e lakanga fakataulaʻeikí, T&F 84:33–42. Ko e ngaahi fuakava, ngaahi aleapau, ngaahi fatongia, ngaahi fakapapau, ngaahi lea fakapapau, kotoa pē, ʻa ia ʻoku ʻikai ke fakamaʻu ʻaki ʻa e Laumālie Māʻoniʻoni ʻo e talaʻofá ʻoku ngata ia ʻo ka mate ʻa e tangatá, T&F 132:7.