ʻOku kātaki fuoloa ʻa Sihova, pea ʻoku lahi ʻene ʻaloʻofá, ʻoku faʻa fakamolemole ʻe ia ʻa e angahala mo e fai meʻa koví,
Nōmipa 14:18. Neongo ʻa e tatau hoʻomou angahalá mo e kula ʻahoʻahó ʻe hoko ia ʻo hinehina ʻo hangē ko e [sinou]
, ʻĪsaia 1:18. Fakamolemole ʻemau angahalá ʻo hangē ko ʻemau fakamolemole ʻa kinautolu ʻoku fai angahala kiate kimautolú
, Mātiu 6:12 (Luke 11:4;
3 Nīfai 13:11). ʻOku maʻu ʻe he Foha ʻo e Tangatá ʻa e mālohi ke fakamolemole ʻa e angahalá,
Mātiu 9:6 (Mātiu 18:35; Maʻake 2:10; Luke 5:20–24). ʻE liunga fiha ʻa e angahala ʻa hoku tokouá kiate au mo ʻeku fakamolemole ia,
Mātiu 18:21–22 (
T&F 98:40). Ko ia ia ʻoku lohiakiʻi ʻa e Laumālie Māʻoniʻoní ʻoku ʻikai fakamolemolea,
Maʻake 3:29 (
ʻAlamā 39:6). Kapau ʻe fai hala ho tokouá kiate koe peá ne fakatomala, fakamolemoleʻi ia,
Luke 17:3. ʻE Tamai, fakamolemole ʻa kinautolu he ʻoku ʻikai te nau ʻilo ʻa ia ʻoku nau faí,
Luke 23:34. Lotu ke maʻu ha fakamolemole,
1 Nīfai 7:21. Ngāue ʻaki ʻa e taʻataʻa fakalelei ʻo Kalaisi koeʻuhi ke mau lava ʻo maʻu ha fakamolemole ʻo ʻemau ngaahi angahalá
, Mōsaia 4:2. Kapau te ne vete ʻene ngaahi angahalá ʻi ho ʻaó pea mo hoku ʻaó, pea fakatomala ke ke fakamolemoleʻi ia,
Mōsaia 26:29–31. ʻIlonga ia ʻoku fakatomala pea fai ki he ngaahi fekaú ʻe fakamolemoleʻi ia,
T&F 1:32. ʻAi hoʻo hele tuʻusí ʻaki ho lotó kotoa, pea ʻe fakamolemoleʻi kiate koe ʻa hoʻo ngaahi angahalá,
T&F 31:5 (
T&F 84:61). Ko ia ia kuó ne fakatomala mei heʻene ngaahi angahalá, ʻoku fakamolemoleʻi ia, pea ko au ko e ʻEikí, ʻoku ʻikai te u toe manatu ki ai,
T&F 58:42. Te u fakamolemoleʻi ʻa ia ʻoku ou loto ke fakamolemoleʻí, ka ʻoku ʻekeʻi meiate kimoutolu ke fakamolemoleʻi ʻa e kakai kotoa pē,
T&F 64:10. Ko e meʻa ʻi hoʻomou fefakamolemoleʻaki ʻi hoʻomou ngaahi angahalá, ʻe pehē foki, ʻa ʻeku fakamolemoleʻi ʻe au, ko e ʻEikí, ʻa kimoutolú,
T&F 82:1. Ko ia ʻoku ou ʻofa ki aí, ʻoku ou tauteaʻi foki koeʻuhí ke lava ʻo fakamolemoleʻi ʻenau ngaahi angahalá,
T&F 95:1. Kuó u fakamolemoleʻi kiate koe ʻa hoʻo maumau-fonó,
Mōsese 6:53.