Ko e ngaahi meʻa ia kuo pau ke hoko ʻi ha ngaahi tāpuaki koeʻuhi ko e ngaahi fakakaukau mo e ngaahi ngāue māʻoniʻoni, mo e tautea ki ha angahala naʻe ʻikai fakatomalaʻi. Ko ha fono taʻengata ʻa e fakamaau totonú ʻa ia ʻoku fie maʻu ke ʻi ai ha tautea ʻi he taimi kotoa pē ʻoku maumauʻi ai ha fono ʻa e ʻOtuá (
ʻAlamā 42:13–24). Kuo pau ke totongi ʻe he tokotaha fai angahala ki he tauteá kapau ʻoku ʻikai te ne fakatomala (
Mōsaia 2:38–39;
T&F 19:17). Kapau ʻokú ne fakatomala, ʻe totongi leva ʻe he Fakamoʻuí ʻa e tauteá ʻi he Fakaleleí, pea fakahoko ai ʻa e ʻaloʻofá (
ʻAlamā 34:16).
Ko e laumālie ʻoku angahalá ʻe mate ia,
ʻIsikeli 18:4. Ka ko e hā ʻoku ʻamanaki ʻe Sihova ʻiate koé, ke ke faitotonu,
Maika 6:8. ʻE angatonu ʻa Sīsū ʻo fakamolemoleʻi ʻetau ngaahi angahalá,
1 Sione 1:9. Naʻe vaheʻi ʻa e kau angahalá mei he kau māʻoniʻoní ʻe he fakamaau totonu ʻa e ʻOtuá;
1 Nīfai 15:30. ʻOku totongi kakato ʻe he fakaleleí ʻa e ngaahi fie maʻu ʻa e fakamaau totonú,
2 Nīfai 9:26. Kuo hinga ʻa e faʻahinga kotoa ʻo e tangatá, pea kuo nau moʻua ki he fakamaau totonú,
ʻAlamā 42:14. ʻOku hanga ʻe he fakalelei ʻo fakalato ʻa e ngaahi fiemaʻu ʻa e fakamaau totonú,
ʻAlamā 42:15. ʻOkú ke mahalo koā ʻoku toʻo ʻe he ʻaloʻofá ʻa e fakamaau totonú?
ʻAlamā 42:25. ʻOku ofi ke tō kiate koe ʻa e fakamaau totonu ʻa e ʻOtuá ʻo kapau ʻe ʻikai te ke fakatomala,
ʻAlamā 54:6. Ko e fakamaau totonú mo e fakamāú ko e tautea ia ʻoku fokotuʻu fakataha mo ʻeku fonó,
T&F 82:4. ʻOku fai atu ai pē ʻa e fakamaau totonú ʻi hono ʻalungá ʻo ʻekeʻi ʻene meʻa ʻaʻana,
T&F 88:40. ʻE ʻikai ke ʻi ai ha taha ʻe ʻataʻatā mei he fakamaau totonú pea mo e ngaahi fono ʻa e ʻOtuá,
T&F 107:84.