Ko e fakamaau fakaʻosi ʻeni ʻe hoko hili ʻa e toetuʻú. ʻE hanga ʻe he ʻOtuá ʻo fakamāuʻi ʻa e tangata taki taha ʻia Sīsū Kalaisi, ke fakapapauʻi ʻa e nāunau taʻengata te ne maʻú. ʻE makatuʻunga ʻa e fakamaau ko ʻení ʻi he talangofua ʻa e tangata taki taha ki he ngaahi fekau ʻa e ʻOtuá, pea kau ai ʻene tali ʻa e feilaulau fakalelei ʻa Sīsū Kalaisí.

Kuo tuku ʻe he Tamaí ʻa e fakamaau kotoa pē ki he ʻAló, Sione 5:22. Te tau tutuʻu kotoa pē ʻi he fakamaauʻanga ʻo Kalaisí, Loma 14:10. Naʻe fakamāuʻi ʻa e pekiá mei he ngaahi meʻa ko ia kuo tohí, Fakahā 20:12 (T&F 128:6–7). ʻE ʻomi koe ki he fakamāú koeʻuhi ko hoʻo ngaahi ngāue kotoa pē, 1 Nīfai 10:20. ʻE fakamāuʻi ʻa ʻIsileli ʻe he kau ʻAposetolo ʻe Toko Hongofulu Mā Uá mo e kau ākonga Nīfai ʻe toko hongofulu mā uá, 1 Nīfai 12:9 (T&F 29:12). Kuo pau ke nau ʻalu atu kotoa pē ki he ʻao ʻo e ʻafioʻanga fakamaau ʻo e Tokotaha Māʻoniʻoní, 2 Nīfai 9:15. Teuteu homou laumālié ki he ʻaho nāunauʻia ko iá, 2 Nīfai 9:46. Te mou lava koā ʻo sio loto atu ki homou taki mai ki he fakamaau ʻo e ʻOtuá, ʻAlamā 5:17–25. ʻE tuʻu ʻa Sīsū Kalaisi ke fakamāuʻi ʻa e māmaní, 3 Nīfai 27:16. ʻE hāʻele mai ʻa e ʻEikí mo e malaʻia ke fai fakamaau ki he kau taʻe anga faka-ʻOtua kotoa pē, T&F 133:2.