Ko e fakakaukau-loto mo e fakakaukau lahi ʻaupito, ʻo lahi pē ki he ngaahi folofolá pe ngaahi meʻa kehe ʻa e ʻOtuá. Ko e taimi ko ia ʻe fai fakataha ai ia mo e lotú, ʻoku lava leva ʻe he fakalaulauloto ki he ngaahi meʻa ʻa e ʻOtuá ʻo kamata hono ʻomi ʻo e fakahā mo e ʻilo.

Naʻe faʻoa ʻe Mele ʻa e ngaahi meʻá ni kotoa pē ki hono lotó, Luke 2:19. Naʻe lolotonga ʻeku nofo ʻo fakalaulauloto ʻi hoku lotó naʻe ʻave au, 1 Nīfai 11:1. Naʻe fakalaulauloto hoku lotó ki he ngaahi folofolá, 2 Nīfai 4:15. Naʻe ʻalu atu ʻa Nīfai ʻi hono halá ʻo ne fakalaulauloto ki he ngaahi meʻa ʻa ia kuo fakahā mai ʻe he ʻEikí kiate iá, Hilam. 10:2–3. Mou foki atu ki homou ngaahi ʻapí, pea fakalaulauloto ki he ngaahi meʻa ʻa ia kuó u leaʻakí, 3 Nīfai 17:3. Mou manatuʻi hono lahi ʻo e ʻaloʻofa ʻa e ʻEikí pea mou fakalaulauloto ki ai ʻi homou lotó, Molonai 10:3. Fakalaulauloto ki he ngaahi meʻa kuó ke maʻú, T&F 30:3. Lolotonga ʻema fakalaulauloto ki he ngaahi meʻá ni, naʻe ala mai ʻa e ʻEikí ki he mata ʻo homa ʻatamaí, T&F 76:19. Naʻá ku nofo ʻi hoku lokí ʻo fakalaulauloto ki he ngaahi folofolá, T&F 138:1–11. Naʻá ku toutou fifili ki ai, SS—H 1:12.