Ko hono toe fokotuʻu ʻe he ʻOtuá ʻa e ngaahi moʻoni mo e ngaahi ouau ʻo ʻene ongoongoleleí ʻi he kakaí ʻi he māmaní. Naʻe mole ʻa e ongoongolelei ʻa Sīsū Kalaisí mei he māmaní ʻi he hē mei he moʻoni ko ia naʻe hoko ʻi he hili ʻa e ngāue fakafaifekau ʻa e kau ʻAposetolo ʻa Kalaisí. Naʻe tupu mei he hē mei he moʻoni ko iá ʻa e fie maʻu ke fai hano toe fakafoki mai ʻo e ongoongoleleí. Naʻe toe fakafoki mai ʻe he ʻOtuá ʻa e ongoongoleleí ʻi he ngaahi meʻa-hā-mai, ko e kau ʻāngelo tauhi, mo e ngaahi fakahā ki he tangatá ʻi he māmaní. Naʻe kamata ʻa e Fakafoki Mai ʻo e Ongoongoleleí ʻi he Palōfita ko Siosefa Sāmitá (
SS—H 1:1–75;
T&F 128:20–21) pea kuo hokohoko mai ia ʻo aʻu mai ki he ʻahó ni ʻi he ngāue ʻa e kau palōfita moʻui ʻa e ʻEikí.
ʻE fokotuʻu maʻu ʻa e fale ʻo Sihová ʻi he tumutumu ʻo e ngaahi moʻungá,
ʻĪsaia 2:2 (Maika 4:2;
2 Nīfai 12:2). ʻE fai ʻe he ʻOtuá ha ngāue fakaofo mo lahi,
ʻĪsaia 29:14 (
2 Nīfai 25:17–18;
T&F 4:1). ʻE fokotuʻu ʻe he ʻOtuá ha puleʻanga ʻa ia ʻe ʻikai ʻauha ʻo lauikuonga,
Taniela 2:44. ʻE haʻu ʻa ʻIlaisiā ʻo fakafoki mai ʻa e meʻa kotoa pē,
Mātiu 17:11 (Maʻake 9:12;
T&F 77:14). ʻE hoko mai ʻa e kuonga ʻo e liliu ʻo e meʻa kotoa pē,
Ngāue 3:21 (
T&F 27:6). ʻI he kakato ʻo e ngaahi kuongá ʻe tānaki fakataha ʻe he ʻOtuá ʻa e meʻa kotoa pē,
ʻEfesō 1:10. Ne u mamata ki ha ʻāngelo kehe kuo ʻiate ia ʻa e ongoongolelei taʻengatá ke malangaʻaki,
Fakahā 14:6. ʻE ʻomi ʻa hono kakato ʻo e ongoongoleleí ki he kau Senitailé,
1 Nīfai 15:13–16. ʻE toe fakafoki ʻa e kau Siú ki he siasi moʻoni,
2 Nīfai 9:2. ʻE hoko mai ʻa e moʻoní ʻi he ngaahi ʻaho fakaʻosí,
3 Nīfai 16:7. ʻOku ou foaki kiate kimoua ʻa e Lakanga Fakataulaʻeiki ʻo ʻĒloné,
T&F 13:1 (
SS—H 1:69). Kuó u tuku ʻa e ngaahi kī ʻo e puleʻangá ʻo kau ki he ngaahi ʻaho fakaʻosí,
T&F 27:6, 13–14 (
T&F 128:19–21). Tānaki fakataha ʻa e ngaahi faʻahinga ʻo ʻIsilelí pea fakafoki mai ʻa e ngaahi meʻa kotoa pē,
T&F 77:9. Kuo tuku ki homo nimá ʻa e ngaahi kī ʻo e kuonga ko ʻení,
T&F 110:16 (
T&F 65:2). Kuo foaki atu ʻa e lakanga fakataulaʻeikí ʻi he kuonga ʻo e kakato ʻo e ngaahi kuongá,
T&F 112:30. Naʻá ku sio ki he Ongo Tangata ʻe toko ua,
SS—H 1:17. Te u fakahā kiate kimoutolu ʻa e Lakanga Fakataulaʻeikí ʻi he nima ʻo ʻIlaisiaá,
SS—H 1:38 (Malakai 4:5–6).