Ko ha taha pe ko ha faʻahinga meʻa ʻokú ne fakakeheʻi ʻa e palani ʻo e fakamoʻui ʻo e ongoongolelei moʻoní pea ʻokú ne fakafepakiʻi fakahāhā pe fakafufū ʻa Kalaisi. ʻOku fakamatalaʻi ʻe Sione ko e Fakahaá ʻa e fili ʻo Kalaisí ʻo pehē ko ha tokotaha kākā (1 Sione 2:18–22; 4:3–6; 2 Sione 1:7). Ko e fili lahi taha ʻo Kalaisí ʻa Lusifā, ka ʻoku tokolahi ʻa hono kau tokoní, ʻi he kakai ko e ngaahi laumālie mo e kakai fakamatelie fakatouʻosi.

ʻOku fakafepakiʻi ʻe he foha ʻo e malaʻiá pea hiki hake ia ke māʻolunga ange ʻi he meʻa kotoa pē ʻoku ʻo e ʻOtuá, 2 Tēsal. 2:1–12. ʻOkú ne kākaaʻi ʻa kinautolu ʻoku nofo ʻi he māmaní ʻaki ʻa e ngaahi mana, Fakahā 13:13–17. Naʻe fakaʻikaiʻi ʻe Seialemi ʻa Kalaisi pea ne kākaaʻi ʻa e tokolahi, Sēkope 7:1–23. Naʻe akoʻi ʻe Nēhoa ʻa e ngaahi tokāteline hala, peá ne fokotuʻu ha siasi, mo kamata ngāue ʻaki ai ʻa e ngaahi ngāue fakataulaʻeiki kākā, ʻAlamā 1:2–16. Naʻe taukae ʻa Kolihola kia Kalaisi, ki he Fakaleleí, pea mo e laumālie ʻo kikité, ʻAlamā 30:6–60.