Ko e ongo meʻangāue naʻe teuteu ʻe he ʻOtuá ke tokoni ki he tangatá ʻi hono maʻu ʻo e fakahā mo hono liliu ʻo e ngaahi lea. Ko hono ʻuhinga ʻo e ongo leá ni ʻi he lea faka-Hepeluú ko e “ngaahi maama mo e ngaahi fakahaohaoa.” ʻOku kau ki he ʻŪlimí mo e Tūmemí ha maka ʻe ua ʻi ha meʻa fuopotopoto lanu-siliva pea ʻoku faʻa ngāue ʻaki ia he taimi ʻe niʻihi mo ha sifa-fatafata (
T&F 17:1;
SS—H 1:35, 42, 52). ʻE hoko ʻa e māmaní ko ha ʻŪlimi mo e Tūmemi ʻi hono tuʻunga fakamāʻoniʻoniʻi mo taʻe-faʻa-mate (
T&F 130:6–9).
Te ke ʻai ʻi he sifa-fatafata ʻo e fakamāú ʻa e ʻŪlimí mo e Tūmemí,
ʻEke. 28:30. Ko ia ia te ne ikuná te u foaki ki ai ʻa e maka hinehina,
Fakahā 2:17. ʻOkú ne maʻu ha meʻa ʻa ia ʻokú ne lava ʻo mamata ki ai, pea liliu,
Mōsaia 8:13. Te u tuku ʻa e ongo maká ni kiate koe,
ʻEta 3:23–24. Naʻe maʻu ʻe Siosefa Sāmita ʻa e ngaahi fakahā ʻi he ʻŪlimí mo e Tūmemí,
T&F ʻuluʻi fakamatala ki he vahe 6, 11, 14–16. Naʻe foaki kiate koe ʻa e mālohi ke fai hono liliu ʻaki ʻa e ʻŪlimí mo e Tūmemí,
T&F 10:1. ʻE mamata ʻa e Kau Fakamoʻoni ʻe Toko Tolú ki he ʻŪlimí mo e Tūmemí, ʻa ia naʻe tuku ki he tokoua ʻo Sēletí ʻi he moʻungá,
T&F 17:1. Ko e potu ʻoku ʻafio ai ʻa e ʻOtuá ko ha fuʻu ʻŪlimi mo e Tūmemi lahi,
T&F 130:6–11. Ko au, ʻĒpalahame, naʻá ku maʻu ʻa e ʻŪlimí mo e Tūmemí,
ʻĒpa. 3:1, 4.