Ke ʻiloʻi ha faʻahinga meʻa ʻi he mālohi ʻo e Laumālié. Ko e foaki ʻo e ʻiloʻiló, ko e taha ia ʻo e ngaahi meʻa-foaki ʻo e Laumālié. ʻOku kau ki ai hono ʻiloʻi hono anga moʻoni ʻo e kakaí pea mo hono tupuʻanga mo e ʻuhinga ʻo e ngaahi fakahā fakalaumālié.

ʻOku sio ʻa e tangatá ki he anga ʻoku hā ki tuʻá, ka ʻoku ʻafioʻi ʻe Sihova ʻa e lotó, 1 Sam. 16:7. ʻE malaʻia ʻa kinautolu ʻoku ui ʻa e koví ko e leleí, ʻĪsaia 5:20 (2 Nīfai 5:20). ʻOku ʻilo fakalaumālie pē ʻa e ngaahi meʻa ʻa e ʻOtuá, 1 Kol. 2:14. Ki he toko taha ʻoku foaki ki ai ke ʻilo ki he ngaahi laumālié, 1 Kol. 12:10. ʻOku malava ʻe ʻĀmoni ʻo ʻiloʻi ʻa ʻene ngaahi fakakaukaú, ʻAlamā 18:18, 32. Naʻe mahuhuhuhu [ʻi he kihiʻi leʻo siʻí] ʻa e loto ʻo kinautolu naʻe fanongó, 3 Nīfai 11:3. Mou kumi fakamātoato ki he ngaahi meʻa-foaki lelei tahá koeʻuhí ke ʻoua naʻa kākaaʻi ʻa kimoutolu, T&F 46:8, 23. ʻOku foaki ki he kau taki ʻo e Siasí ʻa e mālohi ke ʻiloʻi ʻa e ngaahi meʻa-foaki ʻo e Laumālié, T&F 46:27. Ko e sino ko ia ʻa ia ʻoku fonu ʻi he māmá ʻoku ʻiloʻi ʻe ia ʻa e ngaahi meʻa kotoa pē T&F 88:67. Naʻe mamata ʻa Mōsesé ki he māmaní, ʻo ne ʻiloʻi ia ʻi he Laumālie ʻo e ʻOtuá, Mōsese 1:27.