Ko e taʻofi loto-fiemālie kita mei haʻate kai pe inu ko hono taumuʻá ke te ʻunuʻunu atu ai ke ofi ange ki he ʻEikí mo kole ʻa ʻene ngaahi tāpuakí. Ko e taimi ko ia ʻoku ʻaukai ai ha niʻihi fakafoʻituitui pe ha kulupu, ʻoku totonu ke nau lotu foki ke mahino kiate kinautolu ʻa e finangalo ʻo e ʻEikí, pea ke nau fakatupulekina ha ivi fakalaumālie lahi ange. Naʻe faʻa fai maʻu pē ʻe he kakai tui moʻoní ʻa e ʻaukaí.
ʻOku vaheʻi ha ʻaho Sāpate ʻe taha ʻi he māhina ʻi he Siasí ʻi he ʻahó ni, ke fai ai ʻa e ʻaukai. Pea ʻi he lolotonga ʻa e taimi ko iá, ʻoku ʻikai ke kai pe inu ai ʻa e kāingalotu ʻo e Siasí ʻi ha houa ʻe uofulu mā fā. Pea ʻoku nau foaki leva ki he Siasí ʻa e paʻanga ko ia naʻe totonu ke nau fakamoleki ki he ngaahi houa kai ko iá. ʻOku ui ʻa e paʻanga ko iá ko e paʻanga ʻaukai. ʻOku fakaʻaongaʻi ʻe he Siasí ʻa e paʻanga ʻaukaí ki hono tokoniʻi ʻo e masivá mo e faingataʻaʻiá.
Naʻa mau ʻaukai mo kumi ki he ʻOtuá,
ʻĒsela 8:21–23, 31. Peá u ʻaukai mo lotu ki he ʻOtua ʻo e langí,
Nehem. 1:4. Mou ʻaukai koeʻuhi ko au, pea ʻoua naʻa mou kai pe inu ʻi he ʻaho ʻe tolu
, ʻĒseta 4:16. Naʻá ku fakavaivai hoku laumālié ʻi he ʻaukai,
Same 35:13. ʻIkai ko e ʻaukai ʻeni kuó u filí,
ʻĪsaia 58:3–12. Ne u hanga hoku matá kia Sihova ko e ʻOtuá, ke kumi ʻi he lotu mo e ʻaukai
, Taniela 9:3. Mou tafoki kiate au ʻaki homou lotó kotoa mo e ʻaukai,
Sioeli 2:12. Naʻe tui ʻa Ninive ki he ʻOtua pea fanongonongo ʻa e ʻaukai,
Siona 3:5. Naʻe ʻaukai ʻa Sīsū ʻi he ʻaho ʻe fāngofulu,
Mātiu 4:2 (ʻEke. 34:28; 1 Ng. Tuʻi 19:8; Luke 4:1–2). Ke ʻoua naʻa hā hoʻo ʻaukaí ki he kakaí,
Mātiu 6:18 (
3 Nīfai 13:16). ʻOku ʻikai ʻalu ki tuʻa ʻa e faʻahingá ni ka ʻi he lotu mo e ʻaukai,
Mātiu 17:21. Fai atu ʻi he ʻaukai mo e lotu
, ʻAmenai 1:26 (
4 Nīfai 1:12). Naʻa nau kamata ke ʻaukai mo lotu ki he ʻEiki ko honau ʻOtuá,
Mōsaia 27:22. Kuó u ʻaukai mo lotu ʻi he ngaahi ʻaho lahi koeʻuhi ke u ʻiloʻi ʻa e ngaahi meʻá ni,
ʻAlamā 5:46. Naʻe kau fakataha ʻa e fānau ʻa e ʻOtuá ʻi he
ʻaukai pea mo e lotu lahi,
ʻAlamā 6:6. Naʻe faʻa lotu, mo ʻaukai lahi ʻa e ngaahi foha ʻo Mōsaiá
, ʻAlamā 17:3, 9. Naʻe hoko ha taimi ʻo e ʻaukai mo e lotu lahi hili ʻa e mate ʻa e tokolahi ʻo e kau Nīfaí,
ʻAlamā 28:5–6. Naʻa nau ʻaukai lahi mo lotu lahi,
ʻAlamā 45:1 (
Hilam. 3:35). Tuku pē ke teuteuʻi hoʻo meʻakaí ʻi he loto ʻoku angatonu koeʻuhí ke haohaoa ʻa hoʻo ʻaukaí,
T&F 59:13–14. Ke mou fai atu ʻi he lotu mo e ʻaukai,
T&F 88:76.