ʻOku lava ʻo lau fakataha ʻa e kau muimui māʻoniʻoni ʻo Kalaisí ʻi he kakai fili ko ia ʻoku nau maʻu ʻa e fakapapau te nau maʻu ʻa e hakeakiʻí. ʻOku kamata ʻa e ui mo e fili ko ʻení ʻi he fakatomalá mo e papitaisó. ʻOku fakaʻau ʻo kakato ia ʻi he taimi ʻoku nau “vilitaki atu [ai] pea keinanga ʻi he folofola ʻa Kalaisí pea kātaki ki he ngataʻangá” (2 Nīfai 31:19–20). ʻOku ui ʻe he folofolá ʻa e founga ko ʻení ko hono fakatuʻumaʻu hotau uí mo hotau filí (2 Pita 1:4–11; T&F 131:5–6).

Te mou ʻiate au ko e puleʻanga ʻo e kau taulaʻeiki, ʻEke. 19:5–6 (Fakahā 1:6). Kuo fili ʻa kimoutolu ʻe he ʻOtuá talu mei he kamataʻanga ki he fakamoʻuí, 2 Tēsal. 2:13. Ke ʻāsili hoʻomou fai feinga ke fakatuʻumaʻu homou uí mo homou filí, 2 Pita 1:10. ʻE fakamaʻu ʻe he ʻEikí ʻa kimoutolu maʻana, Mōsaia 5:15. ʻOku ou fuakava mo koe ke ke maʻu ʻa e moʻui taʻengatá, Mōsaia 26:20. ʻOku hoko ʻa e kau lakanga fakataulaʻeiki ngāue faivelengá ko e siasi mo e puleʻanga mo e kakai fili ʻo e ʻOtuá, T&F 84:33–34. Ko e lea papau ange ʻo e kikité ko hono ʻuhingá ko hono ʻiloʻi ʻe ha tangata kuo fakamaʻu ange ia ki he moʻui taʻengatá, T&F 131:5–6. ʻOku ou fakamaʻu kiate koe ʻa ho hakeakiʻí, T&F 132:49.