Naʻe lau ia ʻe he kau ʻIsileli ʻo e kuonga muʻá mo e ngaahi fonua lahi ʻi he ʻahó ni ko e tupuʻanga ʻo e moʻuí pe ko e ivi fakamoʻui ia ʻo e kakano kotoa pē. Naʻe taʻofi ʻe he ʻEikí ʻi he ngaahi taimi ʻo e Fuakava Motuʻá ke kai ʻa e totó ʻo hangē ha meʻakaí (Lev. 3:17; 7:26–27; 17:10–14)

ʻOku makatuʻunga ʻa e mālohi fakalelei ʻo ha feilaulaú ʻi he totó koeʻuhí he naʻe pehē ʻoku mahuʻinga ʻa e totó ki he moʻuí. Naʻe hoko ʻa e feilaulau ʻaki ʻo e fanga manú ʻi he Fuakava Motuʻá ko ha fakatātā ia ʻo e feilaulau lahi ʻe toki fakahoko ki mui ʻe Sīsū Kalaisí (Lev. 17:11; Mōsese 5:5–7). ʻOku hanga ʻe he taʻataʻa fakalelei ʻo Sīsū Kalaisí ʻo fakamaʻa ʻa e tokotaha ʻoku fakatomalá mei he angahalá (1 Sione 1:7).

Ko ʻene tautaʻá ko e taʻataʻa naʻe tō ʻi he tulutā lalahi, Luke 22:44. ʻOku fakahaohaoaʻi ʻa kitautolu ʻi he lilingi ʻo e taʻataʻa ʻo Kalaisí, Hepelū 10:1–22. Naʻe tafe hifo ʻa e taʻataʻa mei he ava kotoa pē ʻo hono kilí, Mōsaia 3:7 (T&F 19:18). Naʻe lilingi ʻa e taʻataʻa ʻo e ʻEikí ke fakamolemoleʻi ʻa e ngaahi angahalá, T&F 27:2. Naʻe fai ʻe Sīsū ha fakalelei haohaoa ʻi he lilingi hono taʻataʻá, T&F 76:69. ʻOku fakamaʻa ʻa kimoutolu ʻi he taʻataʻá, Mōsese 6:60.