Ko ha tokotaha kuo fakamafaiʻi ʻe he ʻOtuá ke ne mamata ʻaki ʻa e fofonga fakalaumālié ki he ngaahi meʻa kuo fufuuʻi ʻe he ʻOtuá mei he māmaní (Mōsese 6:35–38). ʻOkú ne hoko ko ha tokotaha maʻu fakahā mo ha palōfita (Mōsaia 8:13–16). Naʻe ako ʻaki ʻe ʻĀmoni ʻi he Tohi ʻa Molomoná ʻo pehē, ko e tangata kikité pē te ne lava ʻo ngāue ʻaki ʻa e ngaahi meʻa liliu lea makehé, pe ʻŪlimí mo e Tūmemí (Mōsaia 8:13; 28:16). ʻOku ʻiloʻi ʻe he tangata kikité ʻa e kuohilí, lolotongá, mo e kahaʻú. Naʻe faʻa ui ʻa e palōfita ʻi he kuonga muʻá ko e tangata kikite (1 Sam. 9:9; 2 Sam. 24:11).

Ko Siosefa Sāmita ʻa e tangata kikite lahi ʻo e ngaahi ʻaho fakaʻosí (T&F 21:1; 135:3). Ko e meʻa foki ʻe tahá, ʻoku fokotuʻu ʻo hikinimaʻi ʻa e Kau Palesiteni ʻUluakí mo e Fakataha Alēlea ʻo e Toko Hongofulu Mā Uá ko e kau palōfita, kau tangata kikite, mo e kau tangata maʻu fakahā.

Ko e kakai angatuʻu ʻeni ʻoku nau pehē ki he kau kikité ʻoua naʻa mamata, pea ki he kau palōfitá, ʻOua ʻe kikite, ʻĪsaia 30:9–10. Te u fokotuʻu hake ha tangata kikite mahuʻinga mei he fua ʻo ho manavá, 2 Nīfai 3:6–15. Ko e potó ʻení ke ne hoko ko ha tangata kikite, ko ha tangata maʻu fakahā, ko ha tangata liliu lea, mo ha palōfita, T&F 107:92. Naʻe fili ʻe he ʻEikí ʻa Hailame ke ne hoko ko ha palōfita, tangata kikite, mo e tangata maʻu fakahā ki he Siasí, T&F 124:91–94.