ʻE lava ke hoko ʻa e kau Siú ko e (1) hako ʻo Siuta, ʻa ia ko e taha ʻo e ngaahi foha ʻe toko hongofulu mā ua ʻo Sēkopé, (2) ko e kakai ia ʻo e puleʻanga ʻo Siuta ʻi he feituʻu fakatongá ʻi he kuonga muʻá, pe (3) ko e kakai ʻoku nau tauhi ki he ngaahi meʻa fakalotu, ngaahi tōʻonga moʻui, mo e ngaahi ʻulungāanga tukufakaholo ʻo e tui faka-Siutá pea tatau ai pē pe naʻe fanauʻi mai kinautolu ko e Siu pe ʻikai. Kuo anga-maheni ʻaki hono ngāue ʻaki ʻo e foʻi lea Siú ʻo ʻuhinga ki he hako kotoa pē ʻo Sēkopé, ka ʻoku hala ia. ʻOku totonu ke fakangatangata pē ia kiate kinautolu ʻoku nau kau ki he puleʻanga ʻo Siutá pe, ko hono tuʻunga ʻi he ʻaho ní, ko kinautolu ʻoku nau kau ki he faʻahinga ʻo Siutá pea mo hono ngaahi kāingá.

ʻE ʻikai mole ʻa e tokotoko ʻo e pulé ʻia Siuta kae ʻoua ke hāʻele mai ʻa Sailo, Sēnesi 49:10. Ko e ongoongolelei ʻa Sīsū Kalaisí ko e mālohi ia ʻo e ʻOtuá ki he fakamoʻui ʻo muʻomuʻa ki he Siú, Loma 1:16. ʻE fokotuʻu hake ʻe he ʻEiki ko e ʻOtuá ha palōfita ʻi he kau Siú—ʻio ko ha Mīsaia, 1 Nīfai 10:4. ʻI he taimi naʻe ʻalu atu ai ʻa e tohí mei he ngutu ʻo e Siú, ko e ngaahi meʻa naʻe tohí naʻe mahinongofua mo haohaoa, 1 Nīfai 14:23. ʻE fakamovetevete ʻa e kau Siú ʻi he ngaahi puleʻanga kotoa pē, 2 Nīfai 25:15. Ko e kau Siú ko hoku kakai naʻá ku fuakava mo ia ʻi muʻa atú, 2 Nīfai 29:4. Ko e kau Siu kuo fakamoveteveté ʻe kamata foki ke nau tui kia Kalaisi; 2 Nīfai 30:7. ʻE liʻaki ʻe he kau Siú ʻa e maka ʻa ia te nau lava ʻo langa aí, Sēkope 4:14–16. ʻE maʻu ʻe he Siú mo ha toe ngaahi fakamoʻoni kehe ko Sīsū ko e Kalaisi moʻoní, Moloma. 3:20–21. ʻE fokotuʻu hake ha palōfita ʻe toko ua ki he puleʻanga ʻo e kau Siú ʻi he ngaahi ʻaho fakaʻosí, T&F 77:15. Ui atu ki he ngaahi puleʻanga kotoa pē ʻo fuofua fai ki he kau Senitailé, pea toki fai ki he kau Siú T&F 133:8. ʻI he ngaahi ʻaho ko iá, ʻe toki hoko ʻa e fuʻu mamahi lahi ʻi he kau Siú, SS—M 1:18.