Ko e taha ia ʻo e fokotuʻutuʻu fakaʻiuniti mo e ngaahi ʻiuniti pule ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku kau ki ha siteiki ha ngaahi uooti pe ngaahi kolo. ʻOku faʻa fokotuʻu foki hano ngaahi fakangatangata fakafeituʻu, pea ʻoku fakatatau ia ki he ʻīmisi ʻo e fale fehikitaki ʻoku fakamatalaʻi ʻi he ʻĪsaia 54:2: “Fakalōloa hoʻo ngaahi afó pea tukituki ke maʻu hoʻo ngaahi tuki poupoú [siteikí].” ʻOku hanga ʻe he siteiki taki taha ʻo Saioné ʻo poupouʻi mo tokoni ki hono pukepuke hake ʻo e Siasí ʻo hangē ko hono pukepuke hake ʻo ha tēniti pe tāpanekale ʻe hono ngaahi ʻakau tukitukí [siteikí]. Ko e siteikí ko ha feituʻu ia ke tānaki pe fakataha ki ai ʻa e toenga ʻo ʻIsileli kuo fakamoveteveteʻí (T&F 82:13–14; 101:17–21).

Fakamālohiʻi ho ngaahi tuki poupoú pea fakalahi ho ngaahi ngataʻangá, Molonai 10:31 (T&F 82:14). Vaheʻi ki Saione ha ngaahi siteiki kehe mei he siteikí ni, T&F 109:59. Ke hoko ʻa e tānaki fakataha ki he fonua ko Saioné, pea ki hono ngaahi siteikí, ko ha maluʻanga, T&F 115:6 (T&F 101:21). Kotofa mo ha toe ngaahi potu kehe foki ke hoko ko e ngaahi siteiki, T&F 115:18. ʻOku fokotuʻu ʻa e palesiteni ki ha kōlomu ʻo e kau taulaʻeiki lahí ke teuteuʻi ʻa kinautolu ʻa ia ʻe fili ko e kau palesiteni fakasiteikí, T&F 124:133–134. Ke mou ʻalu atu ki he fonua ko Saioné, koeʻuhí ke fakamālohi ʻa hono ngaahi siteikí, T&F 133:9.