Naʻe fekau ke ʻoua naʻa femaliʻaki ʻa e kakai ʻIsilelí mo e kakai kehe (kau Senitailé),
Teut. 7:1–3. ʻE hāʻele mai ʻa e ʻEikí ke hoko ko ha maama ki he ngaahi Senitailé
, ʻĪsaia 42:6. Naʻe fekau kia Pita ke ʻave ʻa e ongoongoleleí ki he kakai Senitailé,
Ngāue 10:9–48. Naʻe tuku foki ʻe he ʻOtuá ki he ngaahi Senitailé ʻa e fakatomalá,
Ngāue 11:18. ʻOku tau papitaiso kotoa pē ki he siasi pē taha, pe ko ha kakai Siu pe ko ha kakai Senitaile,
1 Kol. 12:13. Ko e kaungā-hoko ʻa e kakai Senitailé ʻia Kalaisi ʻi he ongoongoleleí,
ʻEfesō 3:6. Naʻe tohi ʻa e Tohi ʻa Molomoná ki he kau Senitailé foki,
Peesi talamuʻaki ʻo e Tohi ʻa Molomoná (
Molom. 3:17). Ko ha tangata ʻi he lotolotonga ʻo e kau Senitailé, naʻe ʻalu atu ia ʻi he funga ʻo e ngaahi vai lahí,
1 Nīfai 13:12. Naʻe ʻomi ʻa e ngaahi tohi kehe ʻi he kau Senitailé,
1 Nīfai 13:39. ʻE ʻomi hono kakato ʻo e ongoongoleleí ki he kau Senitailé,
1 Nīfai 15:13 (
3 Nīfai 16:7;
T&F 20:9). ʻE hoko ʻa e fonuá ni ko ha fonua ʻo e tauʻatāina ki he kau Senitailé,
2 Nīfai 10:11. ʻOku tatau ʻa e kau Senitailé mo e ʻōlive vaó,
Sēkope 5. ʻE ʻomi ʻa e ongoongoleleí ʻi he taimi ʻo e kau Senitailé,
T&F 45:28 (
T&F 19:27). Pea ʻe ʻalu atu ʻa e folofolá ki he ngaahi ngataʻanga ʻo e māmaní, ʻo fuofua fai ki he kau Senitailé, pea toki hoko ki he kau Siú,
T&F 90:8–10. ʻE hoko ʻa e Kau Fitungofulú ko e kau fakamoʻoni makehe ki he kau Senitailé,
T&F 107:25. Fekauʻi atu ʻa e kaumātuʻa ʻo hoku siasí ke ui atu ki he ngaahi puleʻanga kotoa pē, ʻo fuofua fai ki he kau Senitailé, pea toki fai ki he kau Siú,
T&F 133:8.