ʻOku fakataumuʻa ʻa hono kakato ʻo e ongoongolelei ʻa Sīsū Kalaisí ki hono fakahoko ʻo e moʻui taʻe-faʻa-mate mo e moʻui taʻengata ʻa e tangatá. ʻOku kau ki ai ʻa e Fakatupú, Hingá, mo e Fakaleleí, fakataha mo e ngaahi fono, ngaahi ouau, mo e ngaahi tokāteline kotoa pē kuo foaki mai ʻe he ʻOtuá. ʻOku hanga ʻe he palani ko ʻení ʻo fakaʻatā ʻa e kakai kotoa pē ke nau maʻu ʻa e hakeakiʻí pea moʻui ʻo taʻengata fakataha mo e ʻOtuá (
2 Nīfai 2, 9). ʻOku toe ui foki ʻi he folofolá ʻa e palani ko ʻení ko e palani ʻo e fakamoʻuí, ko e palani ʻo e fiefiá pea mo e palani ʻo e ʻaloʻofá.
Naʻe lavea ia koeʻuhi ko ʻetau ngaahi angahalá,
ʻĪsaia 53:5 (
Mōsaia 14:5). ʻOku ʻikai ke tuku mo ha hingoa ki he kakaí ʻi lalo langi, ke tau moʻui ai,
Ngāue 4:12. Hangē ʻoku mate kotoa pē ʻia ʻĀtama, ʻe pehē foki ʻe moʻui kotoa pē ʻia Kalaisi,
1 Kol. 15:22. ʻOku mou moʻui ʻi he ʻofa pe ʻi he tui,
ʻEfesō 2:8 (
2 Nīfai 25:23). Naʻe fakaʻilo ʻe he ʻOtuá ʻa e moʻui taʻengatá ʻoku teʻeki ai tuʻu ʻa māmaní,
Taitusi 1:2. Ko Sīsū ʻa e tupuʻanga ʻo e moʻui taʻengatá,
Hepelū 5:8–9. Naʻe foaki ʻa e palani ʻo e huhuʻí ki he kau pekiá,
1 Pita 3:18–20; 4:6 (
T&F 138). ʻOku fakahoko ʻi he maté ʻa e palani ʻofa ʻo e Tupuʻanga lahí,
2 Nīfai 9:6. Hono ʻikai ke maʻongoʻonga ʻa e palani ʻa hotau ʻOtuá,
2 Nīfai 9:13. ʻOku hanga ʻe he palani ʻo e huhuʻí ʻo fakahoko ʻa e toetuʻú mo e fakamolemole ʻo e ngaahi angahalá,
ʻAlamā 12:25–34. Naʻe akoʻi ʻe ʻAlamā ʻa e palani ʻo e huhuʻí ki he tamai ʻa Lamōnaí,
ʻAlamā 22:12–14. Naʻe fakamatalaʻi ʻe ʻAmuleki ʻa e palani ʻo e fakamoʻuí,
ʻAlamā 34:8–16. ʻOku fakamatalaʻi ʻe ʻAlamā ʻa e palani ʻo e fakamoʻuí,
ʻAlamā 42:5–26, 31. ʻOku fakapapauʻi mai ʻi he fakahā fakaonopooni ʻa e ngaahi tokāteline ʻo e fakatupú, hingá, fakaleleí, mo e papitaisó,
T&F 20:17–29. Naʻe fokotuʻu ʻa e palaní ki muʻa ʻoku teʻeki ke ʻi ai ʻa e māmaní,
T&F 128:22. Ko ʻeku ngāué mo hoku nāunaú ke fakahoko ʻa e moʻui taʻemate mo e moʻui taʻengata ʻa e tangatá,
Mōsese 1:39. Ko e palani ʻeni ʻo e fakamoʻui ki he kakai kotoa pē,
Mōsese 6:52–62. Pea te tau siviʻi ʻa kinautolu ʻi he meʻá ni,
ʻĒpa. 3:22–26.