11 ʻOiauē ʻe hoku kāinga, tokanga ki heʻeku ngaahi leá; fakaake ʻa e ngaahi ivi ʻo homou laumālié; fafangu ʻa kimoutolu koeʻuhi ke mou ^aʻā hake mei he mohe ʻo e maté; pea vete ange ʻa kimoutolu mei he mamahi ʻo ^bhelí koeʻuhi ke ʻoua naʻa mou hoko ko ha kau ^cʻāngelo ʻa e tēvoló, ke lī hifo ki he ano ʻo e afi mo e maka-vela, ʻa ia ko e ^dmate ʻanga uá.

  25 ʻOku ou pehē kiate kimoutolu, ʻIkai; ka ʻo kapau pē te mou lau ko e loi ʻa hotau Tupuʻangá talu mei he kamataʻangá, pe mahalo ko e tangata loi ia talu mei he kamataʻangá, he ʻikai te mou lava ke ʻamanaki ʻe lava maʻu ʻe he faʻahinga peheé ha nofoʻanga ʻi he puleʻanga ʻo e langí; ka ʻe kapusi ki tuʻa ʻa kinautolu he ko e ^afānau ʻa kinautolu ʻo e puleʻanga ʻo e tēvoló.

  53 Kae vakai, kuo ^akākaaʻi au ʻe he tēvoló; he naʻá ne ^bhā mai kiate au ʻi he tatau ʻo ha ʻāngelo, ʻo ne pehē mai kiate au: ʻAlu ʻo fakatafoki mai ʻa e kakaí ni, he kuo nau hē kotoa pē ʻo muimui ki ha ʻOtua taʻeʻiloa. Pea naʻá ne pehē mai kiate au: ʻOku ^cʻikai ke ʻi ai ha ʻOtua; ʻio, pea naʻá ne akoʻi au ʻi he ngaahi meʻa ke u leaʻakí. Pea kuó u ako ʻaki ʻene ngaahi leá; pea naʻá ku ako ʻaki ia koeʻuhi ʻoku mālie ia ki he ʻatamai ^dfakakakanó; peá u ako ʻaki ia, kae ʻoua kuo ola lahi ʻeku ngāué, ʻo aʻu ki heʻeku tui ʻoku moʻoni ia; pea ko e meʻa ʻeni naʻá ku tekeʻi ai ʻa e moʻoní ʻo aʻu ki heʻeku ʻohifo ʻa e fuʻu fakamalaʻiá ni kiate aú.

  8 Kapau ko e ^atēvolo ia ʻoku tatau mo e ʻāngelo ʻo e māmá, ʻo ka ke ka kole kiate ia ke mo lulululu, te ne mafao mai hono nimá kiate koe, pea ʻe ʻikai te ke ongoʻi ha meʻa; ko ia te ke lava ai ʻo ʻiloʻi ia.