10 Pea ko e ^aʻOtua ʻo ʻetau ngaahi tamaí, ʻa ia naʻe ^btaki atu mei ʻIsipite, mei he nofo pōpulá, pea maluʻi foki ʻa kinautolu ʻi he feituʻu maomaonganoá, ʻio, ʻa e ^cʻOtua ʻo ʻĒpalahame mo ʻAisake mo e ʻOtua ʻo Sēkopé, naʻá ne ^dtukuange ia ko e tangata, ʻo hangē ko e ngaahi lea ʻa e ʻāngeló, ki he nima ʻo ha kau tangata angakovi, ke ^ehiki hake, ʻo hangē ko e ngaahi lea ʻa ^fSeinokí, pea ^gkalusefai ia, ʻo hangē ko e ngaahi lea ʻa Neiumí, pea ke telio ʻi ha ^hfonualoto ʻo hangē ko e ngaahi lea ʻa ⁱSeinosí, ʻa ia naʻá ne lea ʻo kau ki he ʻaho ʻe tolu ʻo e ^jfakapoʻulí, ʻa ia ʻe hoko ko e fakaʻilonga ʻo ʻene pekiá kiate kinautolu te nau nofo ʻi he ngaahi motu ʻo e tahí, kae tautautefito kiate kinautolu ʻoku ʻo e ^kfale ʻo ʻIsilelí.

  13 Pea naʻe hoko ʻo pehē naʻá ku mamata ʻo vakai ki he fuʻu kolo lahi ko Selūsalemá, kae ʻumaʻā mo ha ngaahi kolo kehe foki. Pea naʻá ku vakai ki he kolo ko Nāsaletí; pea ʻi he kolo ko ^aNāsaletí naʻá ku vakai ki ha ^btāupoʻou, pea naʻe fuʻu hoihoifua ʻaupito ia mo hinehina.