27 Pea ko au, Sēkope, naʻá ku vakai kuo pau ke vave haʻaku ʻalu hifo ki hoku faʻitoká; ko ia, naʻá ku pehē ki hoku foha ko ^aʻĪnosí: Toʻo ʻa e ngaahi peletí ni. Peá u tala kiate ia ʻa e ngaahi meʻa ʻa ia kuo ^bfekau kiate au ʻe hoku tokoua ko Nīfaí, pea naʻá ne palōmesi te ne talangofua ki he ngaahi fekaú. Pea ʻoku ou fakaʻosi ʻa ʻeku tohi ʻi he ngaahi peletí ni, ʻa ia ko ha tohi ʻoku siʻisiʻi; pea ʻoku ou lea fakamāvae kiate ia ʻa ia ʻoku laú, ʻo u fakaʻamu ʻe lau ha tokolahi ʻo hoku kāingá ʻi heʻeku ngaahi leá. ʻE kāinga, mou nofo ā.

  2 Pea ko e meʻa ʻi he ^asiʻisiʻi ʻa e ngaahi peleti ko ^bʻení, pea koeʻuhi ʻoku ^ctohi ʻa e ngaahi meʻá ni ʻi he ʻuhinga ke ʻaonga ki homau kāinga ko e kau ^dLeimaná, ko ia, ʻoku ʻaonga ai ke u tohi ha meʻa siʻi pē; ka ʻe ʻikai te u tohi ʻa e ngaahi meʻa ʻoku kau ki heʻeku kikité, pe ko ʻeku ngaahi fakahaá. He ko e hā mo ha toe meʻa te u lava ʻo tohi ʻo lahi ange ʻi he meʻa kuo tohi ʻe heʻeku ngaahi tamaí? He ʻikai koā kuo nau fakahā ʻa e palani ʻo e fakamoʻuí? ʻOku ou pehē kiate kimoutolu: ʻIo; pea ʻoku feʻunga ʻeni kiate au.

  30 Pea ko au, ʻAmalekai, naʻe ʻi ai hoku tokoua, naʻe ʻalu foki mo kinautolu; pea talu ai mo e ʻikai te u fanongo ʻi ha fakamatala ʻo kau kiate kinautolu. Pea ʻoku ofi ke u tokoto hifo ki hoku faʻitoká; pea kuo fonu ʻa e ngaahi peleti ^aʻení. Pea ʻoku ou fakaʻosi ʻeku tohí.