26 Kae vakai, pea ^amanavahē, mo tetetete ʻi he ʻao ʻo e ʻOtuá, he ʻoku totonu ke mou tetetete; koeʻuhí ʻoku ʻikai huhuʻi ʻe he ʻEikí ʻa e kakai ʻoku ^bangatuʻu kiate ia pea ^cmate ʻi heʻenau ngaahi angahalá; ʻio, naʻa mo kinautolu kotoa pē kuo nau mate ʻi heʻenau ngaahi angahalá talu mei he kamataʻanga ʻo e māmaní, ʻa ia kuo nau loto ke angatuʻu ki he ʻOtuá, ʻa ia kuo nau ʻilo ʻa e ngaahi fekau ʻa e ʻOtuá, kae ʻikai te nau tauhi ki aí; ko ^dʻeni ʻa kinautolu ʻe ^eʻikai te nau kau ʻi he ʻuluaki toetuʻú.

  26 Pea ʻe malaʻia ʻa kinautolu te nau liʻaki ʻa e ngaahi meʻá ni pea nau maté, he ʻoku nau ^amate ʻi heʻenau ngaahi ^bangahalá, pea ʻe ʻikai faʻa fakamoʻui ʻa kinautolu ʻi he puleʻanga ʻo e ʻOtuá; pea ʻoku ou lea ʻaki ia ʻo fakatatau mo e ngaahi folofola ʻa Kalaisí; pea ʻoku ʻikai te u loi.

  12 Pea kuo lea mahinongofua ʻa ʻAmuleki ʻo kau ki he ^amaté, pea mo e fokotuʻu hake mei he faʻa ʻauʻauhá ni ki he taʻe-faʻa-ʻauʻauhá, mo e taki mai ki he fakamaau ʻo e ʻOtuá, ke ^bfakamāuʻi ʻo fakatatau ki heʻetau ngaahi ngāué.

  26 Kae vakai, ʻe hoko mai ha ^amate fakamanavahē ki he kau fai angahalá; he ʻoku nau mate ʻi he ngaahi meʻa ʻoku kau ki he māʻoniʻoní; he ʻoku nau taʻemaʻa, pea ʻe ʻikai lava ʻe ha meʻa ʻoku ^btaʻemaʻa ʻo maʻu ʻa e puleʻanga ʻo e ʻOtuá; ka ʻe kapusi ki tuʻa ʻa kinautolu, pea tuʻutuʻuni ke nau kai ʻa e ngaahi fua ʻo ʻenau ngaahi ngāué, pe ko ʻenau ngaahi angafai ʻa ia kuo koví; pea te nau inu ʻa e totoka ʻo e ipu koná.

  16 Pea hangē ʻoku moʻui ʻa e ʻEikí, he kuo folofola ʻaki ia ʻe he ʻEiki ko e ʻOtuá, pea ko ʻene ^afolofola taʻengatá ia, ʻa ia ʻoku ʻikai ^bngata, ʻe māʻoniʻoni ai pē ʻa kinautolu ʻoku māʻoniʻoní, pea ʻe ^culi ai pē ʻa kinautolu ʻoku ^dʻulí, ko ia, ko kinautolu ʻoku taʻemaʻá ko e ^etēvoló ia mo ʻene kau ʻāngeló; pea te nau ʻalu atu ki he afi ^ftaʻengatá, ʻa ia kuo teuteu maʻanautolu; pea ko ʻenau mamahí ʻoku hangē ko ha ^gano ʻo e afi mo e maka-vela, ʻa ia ʻoku ʻalu hake ʻa hono uló ʻo taʻengata, pea taʻengata, pea ʻoku ʻikai hano ngataʻanga.

  35 Ko ia ia ʻokú ne ^amaumauʻi ha fono, ʻo ʻikai talangofua ki he fonó, ka ʻokú ne feinga ke hoko ko e fono kiate ia pē, ʻo ne loto ke nofo ʻi he fai angahalá, mo ne nofo ʻaupito ʻi he fai angahalá, ʻoku ʻikai lava ke fakamāʻoniʻoniʻi ia ʻe he fonó, pe ko e ^bʻaloʻofá, pe ko e ^cfakamaau totonú pe ko e fakamāú. Ko ia, kuo pau ke nau kei ^dʻuli ai pē.

  37 Pea ʻoku ou toe pehē kiate koe ʻoku ʻikai ke ne lava ʻo fakamoʻui ʻa kinautolu ʻi heʻenau ngaahi ^aangahalá; he ʻoku ʻikai te u lava ke fakaʻikaiʻi ʻa ʻene folofolá, pea kuó ne folofola ʻoku ^bʻikai lava ke maʻu ʻe ha meʻa taʻemaʻa ʻa e ^cpuleʻanga ʻo e langí; ko ia, ʻe lava fēfē ke fakamoʻui ʻa kimoutolu, kae ʻoua kuo mou maʻu ʻa e puleʻanga ʻo e langí? Ko ia, ʻe ʻikai lava ke fakamoʻui ʻa kimoutolu ʻi hoʻomou ngaahi angahalá.

  50 Pea ʻokú ma toe fakamoʻoni—he naʻá ma mamata mo fanongo, pea ko e ^afakamoʻoni ʻeni ʻa e ongoongolelei ʻa Kalaisí ʻo kau kiate kinautolu ʻe ʻalu atu ʻi he ^btoetuʻu ʻa e kau angatonú—

  57 Ko ia, akoʻi ia ki hoʻo fānaú, kuo pau ke ^afakatomala ʻa e kakai kotoa pē, ʻi he feituʻu kotoa pē, pe ʻe ʻikai te nau teitei lava ʻo maʻu ʻa e puleʻanga ʻo e ʻOtuá, he ʻoku ʻikai lava ke ^bnofo ʻi ai ha meʻa ʻoku ^ctaʻemaʻa, pe nofo ʻi hono ʻaó; he ʻoku hangē ko e lea ʻa ʻĀtamá, ko e ^dTangata ʻo e Māʻoniʻoní ʻa hono huafá, pea ko e huafa ʻo hono ʻAlo pē Taha naʻe Fakatupú ko e ^eFoha ʻo e Tangatá, ʻio ko Sīsū Kalaisi, ko ha ^fFakamaau māʻoniʻoni, ʻa ia ʻe haʻu ʻi he vaeuaʻangamālie ʻo taimí.