26 Pea hili ʻenau ʻalu atu ʻi he nima ʻo e kau ʻaposetolo ʻe toko hongofulu mā ua ʻa e Lamí, mei he kau Siú ^aki he kau Senitailé, ʻokú ke mamata ki hono fokotuʻu ʻo ha ^bfuʻu ^csiasi lahi mo fakalielia, ʻa ia ʻoku fuʻu fakalielia lahi taha ʻi he ngaahi siasi kehe kotoa pē; he vakai, kuo nau ^dtoʻo mei he ongoongolelei ʻa e Lamí ha ngaahi konga lahi ʻa ia ʻoku ^emahinongofua mo mahuʻinga taha; kae ʻumaʻā foki mo e ngaahi fuakava ʻa e ʻEikí kuo nau toʻo mei ai.

  3 Pea ko e ^aluo lahi, ʻa ia kuo keli maʻanautolu ʻe he fuʻu siasi lahi mo fakalieliá, ʻa ia naʻe fokotuʻu ʻe he tēvoló mo ʻene fānaú, ke ne tohoakiʻi atu ʻa e laumālie ʻo e tangatá ki heli—ʻio, ʻa e fuʻu luo lahi ko ia ʻa ia kuo keli ke fakaʻauha ai ʻa e tangatá, ʻe fakafonu ia ʻaki ʻa e faʻahinga naʻa nau keli iá, ʻo aʻu ki honau fakaʻauha ke ʻosiʻosingamālie, ʻoku folofola ʻe he Lami ʻa e ʻOtuá; kae ʻikai ko e fakaʻauha ʻo e laumālié, kā ko hono laku ki he ^bheli ko ia ʻoku ʻikai hano ngataʻangá.