Ang ikatlong kasapi ng Panguluhang Diyos (1 Juan 5:7; D at T 20:28). Siya ay isang katauhang Espiritu, walang katawang laman at mga buto (D at T 130:22). Madalas tukuyin ang Espiritu Santo bilang Espiritu, o ang Espiritu ng Diyos.

Gumaganap ng ilang mahahalagang tungkulin ang Espiritu Santo sa plano ng kaligtasan. (1) Nagpapatotoo siya sa Ama at sa Anak (1 Cor. 12:3; 3 Ne. 28:11; Eter 12:41). (2) Ipinahahayag niya ang katotohanan ng lahat ng bagay (Juan 14:26; 16:13; Moro. 10:5; D at T 39:6). (3) Pinababanal niya ang mga yaong nagsisi at nabinyagan (Juan 3:5; 3 Ne. 27:20; Moi. 6:64–68). Siya ang Banal na Espiritu ng Pangako (D at T 76:50–53; 132:7, 18–19, 26).

Maaaring dumating ang kapangyarihan ng Espiritu Santo sa tao bago ang pagbibinyag, at sumasaksi na ang ebanghelyo ay totoo. Subalit ang karapatang magkaroon ng palagiang pagsama ng Espiritu Santo, kapag ang isa ay karapat-dapat, ay isang handog na maaari lamang matanggap sa pamamagitan ng pagpapatong ng mga kamay ng may hawak ng Pagkasaserdoteng Melquisedec pagkatapos ng pinagtibay na pagbibinyag sa totoong Simbahan ni Jesucristo.

Itinuro ni Jesus na maaaring patawarin ang lahat ng kasalanan maliban sa paglapastangan sa Espiritu Santo (Mat. 12:31–32; Mar. 3:28–29; Lu. 12:10; Heb. 6:4–8; D at T 76:34–35).

Pinalakad ng Espiritu ang mga tao sa mga batas ng Diyos, Ez. 36:27. Binigyan ng kapangyarihan ang mga apostol na magbinyag sa pangalan ng Ama, Anak, at ng Espiritu Santo, Mat. 28:19. Ituturo ng Espiritu Santo sa inyo ang lahat ng bagay, Juan 14:26. Nagsasalita ang mga taong banal habang binubunsuran sila ng Espiritu Santo, 2 Ped. 1:21. Inakay si Nephi ng Espiritu, 1 Ne. 4:6. Ang mga hiwaga ng Diyos ay isisiwalat sa kanila sa pamamagitan ng kapangyarihan ng Espiritu Santo, 1 Ne. 10:17–19. Ipakikita ng Espiritu Santo ang lahat ng bagay na dapat ninyong gawin, 2 Ne. 32:5. Sa pamamagitan ng kapangyarihan ng Espiritu Santo malalaman ninyo ang katotohanan ng lahat ng bagay, Moro. 10:5. Sasabihin sa iyo ng Espiritu Santo sa iyong isipan at sa iyong puso, D at T 8:2. Umaakay ang Espiritu sa paggawa ng mabuti, D at T 11:12. Ang Espiritu Santo ang nakaaalam ng lahat ng bagay, D at T 35:19. Itinuturo ng Espiritu Santo ang mga mapayapang bagay ng kaharian, D at T 36:2 (D at T 39:6). Kung hindi ninyo natanggap ang Espiritu, kayo ay hindi magtuturo, D at T 42:14. Nagpapatotoo ang Espiritu Santo sa Ama at sa Anak, D at T 42:17 (1 Cor. 12:3; 3 Ne. 11:32, 35–36). Sa iba ito ibinigay sa pamamagitan ng Espiritu Santo upang malaman na si Jesucristo ang Anak ng Diyos, D at T 46:13. Anuman ang kanilang sasabihin kapag pinakikilos ng Espiritu Santo ay magiging banal na kasulatan, D at T 68:4. Ang Espiritu Santo ay ibubuhos sa pagpapatotoo sa lahat ng bagay na inyong sasabihin, D at T 100:8. Magiging iyong kasama sa tuwina ang Espiritu Santo, D at T 121:45–46.