1 At iyong sasabihin sa araw na yaon: O Panginoon, pupurihin kita; bagaman nagalit kayo sa akin ay napawi ang inyong galit, at inalo ninyo ako.

  2 Masdan, ang Diyos ang aking kaligtasan; ako ay ^amagtitiwala, at walang katatakutan; sapagkat ang Panginoong ^bJehova ang aking lakas at aking awit; siya rin ay naging aking kaligtasan.

  3 Samakatwid, masaya kang iigib ng ^atubig mula sa mga balon ng kaligtasan.

  4 At sasabihin mo sa araw na yaon: ^aPurihin ang Panginoon, manawagan sa kanyang pangalan, ipahayag sa iyong mga tao ang kanyang mga gawain, ipagbantog na dakila ang kanyang pangalan.

  5 ^aAwitan ang Panginoon; sapagkat gumawa siya ng mga dakilang bagay; ang mga ito ay ipaaalam sa buong mundo.

  6 ^aHumiyaw at sumigaw, kayong mga naninirahan sa Sion; sapagkat dakila ang Banal ng Israel na nasa piling ninyo.