1 At ngayon ako, si Nephi, ay hindi nagbibigay ng talaangkanan ng aking mga ama sa bahaging ^aito ng aking talaan; kahit kailan ay hindi ko isasama ito sa mga ^blaminang ito na aking sinusulatan; sapagkat ito ay kasama sa talaang iniingatan ng aking ^cama; kaya nga, hindi ko na ito isusulat pa sa akdang ito.

  2 Sapagkat sapat nang sabihin ko na kami ay mga inapo ni ^aJose.

  3 At walang halaga sa akin na ako ay masusing magbigay ng buong ulat sa lahat ng bagay ukol sa aking ama, sapagkat ang mga yaon ay hindi maisusulat sa mga laminang ^aito, sapagkat nais kong magkaroon ng puwang upang maisulat ko ang mga bagay ng Diyos.

  4 Sapagkat ang kaganapan ng aking hangarin ay ^amahikayat ko ang mga tao na ^blumapit sa Diyos ni Abraham, at sa Diyos ni Isaac, at sa Diyos ni Jacob, at maligtas.

  5 Anupa’t ang mga bagay na ^anakasisiya sa sanlibutan ay hindi ko isusulat, kundi ang mga bagay na nakasisiya sa Diyos at sa kanila na hindi makamundo.

  6 Kaya nga, ako ay magbibigay ng kautusan sa aking mga binhi, na huwag nilang lalagyan ang mga laminang ito ng mga bagay na walang halaga sa mga anak ng tao.